香港尖沙咀｜炯記燒味 (尖沙咀)

係尖沙咀行街行到攰又肚餓 朋友話想試呢間炯記 咁多人應該冇伏 我話試過長沙灣個間一d伏都冇 二話不說就入去了 叫左 燒鵝撈麵 試左燒鵝先 燒鵝黎到仲熱既 燒鵝皮好脆口 鵝肉又嫩又多汁 撈麵雖然分開上 但食落好香鵝油味 食撈麵仲有例湯送 唔夠既叫凍熱飲品麵係加$5 喳 海蜇手撕雞腸粉 平時食混醬腸粉就食得多 加埋海蜇同手撕雞就第一次 海蜇好爽口 手撕雞啖啖肉 再加左麻辣 又咸又甜咁 好正喎 醬皇豬手 兩個人share 食 叫左個例牌 原來有六舊 而且都好大舊 抵過散叫 食落好軟 唔會靭 豬手夠晒入味 同撈麵一齊食都好夾 兩個人食飽飽都唔洗$200 係尖沙咀黎講十分抵食呀

呢排成日都想食靚燒味。聽講尖沙咀「炯記燒味」煙燻燒鵝香味好特別，好食過我哋平時食嘅燒鵝好多， 今日一於就去試吓，順便試埋其他小食！同朋友點左2人套餐， 套餐有我哋最想試嘅幾款小食， 另外當然仲要叫埋最想試嘅 煙燻燒鵝啦！ 食物除咗味道好，仲非常足料！ 二人餐五個餸，有湯有嘢飲，價錢仲非常合理！ . 炯記二人套餐： 🍚酸辣雲耳 頭盤先來一個「酸辣雲耳」， 酸辣汁做得好開胃，雲耳夠爽口！ . 🍚鹽焗雞腎 再嚟開胃小食「鹽焗雞腎」， 爽脆雞腎配上淡淡咸香味，口感特別。 . 🍚麻辣手撕雞（半隻） 「麻辣手撕雞」個汁惹味，但唔會太辣，食得出手撕雞嘅鮮味！份量又夠大，啖啖肉、肉質嫩滑！ . 🍚醬皇豬手（例牌） 豬手經過香濃醬汁長時間細燉慢熬，除咗入曬味之外，仲啖啖都食到滿滿的骨膠原。 外皮口感好彈牙，肉質亦好爽口，不愧係其中一個必食推介。 . 🍚太子鵝油撈麵（兩碗） 成日聽人講，鵝油係最佳動物脂肪，對身體最唔會造成負擔，而且仲有特別嘅香味，所以一直都好想試，今日終於有機會。 未食已經聞到陣香味， 傳聞果然唔係誇張， 配埋餐廳秘製嘅醬油同埋彈牙粗麵，非常惹味。 . 🍚煙燻燒鵝（例牌） 燒鵝真係做到皮脆肉嫩，又多肉汁。最驚喜一定係個煙燻味，將味道提升咗去另一個層次。鵝肉冇多餘肥膏，但係肉質都好滑。點埋酸梅汁食，真係好食到停唔到口！

今日嚟尖沙咀食燒味飯，呢間老字號好受打工仔歡迎，價錢合理，除咗燒味飯，仲有招牌太子鵝油撈麵同手撕雞腸粉等等… 炯記煙燻燒鵝飯 $60 🤤燒到皮脆肉香，唔會太肥，肉質結實，鵝香味濃，不需加任何調味，原汁原味最好食～ 炯記四寶撈麵 $64 😍材料豐富，有手撕雞、豬手、叉燒、紅腸～ 豬手大大嚿，充滿膠質，非常入味～ 叉燒燒到好香，有少少焦香味，肥瘦適中～ 手撕雞一啲都唔肥，雞肉嫩滑，雞皮爽脆，加咗芝麻同麻油更香～ 太子鵝油撈麵非常香濃油香但唔太油膩，撈麵彈牙爽口，值得推薦～ 鹽焗手撕雞腸粉 $40 腸粉份量多，口感好滑，手撕雞份量都幾多，配埋芝麻醬甜醬好香甜～ 🥬醬皇冬菇扒生菜 $20 生菜爽脆翠綠，冬菇又多又大粒，醬汁香濃～