香港葵涌｜Almond Dessert (Metroplaza)

主打健康低糖嘅甜品店，而且真材實料，無添加，可以品嚐到食材最天然嘅味道✨ 店內環境闊落，用上木系傢俬🪵，配以淺綠色調，非常小清新。坐位仲有可愛嘅杏仁公仔可以打卡☺️ ～～～～～～～～～～～～～～～～～～～～～ 🌰招牌杏仁茶燉蛋白 $55 全自家磨製，第一啖入口係好清新嘅杏仁香氣，蛋白非常滑溜，而且甜度不高，多食都唔怕。 🥭呂宋芒椰木蓮凍 $68 有用菲律賓呂宋芒製成嘅雪芭，重有椰果、小芋圓 及 一些呂宋芒果肉🥭呂宋芒真係超甜超香，好好食😍🤤 雪芭都有好天然清新嘅呂宋芒香氣。底層用野生木蓮籽製成嘅木蓮凍，似仙草，不過又比仙草多了些煙韌，味道回甘。感覺輕盈又有飽肚感，口感仲好豐富，非常鐘意🥹🥹必食！👍🏻 🍵抹茶湯圓 $42 一咬開就有爆漿流心抹茶醬流出，抹茶味幾香，唔會死甜亦唔覺得苦澀。配上桂花糖水，清香又甜而不膩～

葵芳有「杏」到，健康甜品新選擇！還有素食餐提供！ 杏甜品終於開到黎葵芳，等到頸都長！之前行開尖沙嘴已經見過呢間舖頭，呢家開到入商場，環境同裝修自然舒適好多！ 作為甜品控嘅我，一定入黎試試佢！ 店舖開揚寬敞，而且幾有特色，有杏仔畫同巨大花花feature wall 仲有大粒杏仔，岩曬大家打卡！ 今次嗌左份呂宋芒奶昔雙皮奶 同 龍眼小丸子杏仁茶吸吸！ 咁多品種嘅芒果入面，呂宋芒係我摯愛，呢度芒果嘅產品都係用呂宋芒，特別香甜！大大塊芒果肉，底層香滑濃郁的雙皮奶，加上原汁打嘅芒果奶昔，滋味double up! 黎得呢度，一定唔可以錯過杏仁茶！今次試下佢地吸吸，比起傳統一碗碗嘅杏仁茶，將佢整成飲品，真係好創新！加埋龍眼冰同小丸子，夏日消暑之選！ 黎得葵芳，掃完葵廣，不妨歎番埋甜品，劃上完美嘅句號。 #親子好去處 #炎夏好去處 #foodblogger #foodie #本地遊 #夏日搵食推介 #甜品 #葵芳美食 #葵廣 #kwaifong #hkfoodie #dessert #素食 #vegetarian #vegan #杏仁 #almond #hkblogger #新店速遞 #igdaily #打卡 #igable

平時成日出街食飯，甜野我都盡量少食，因為糖真係好致肥🤦🏻‍♀️加埋我既食量真係會脹到成個波咁🐷杏甜品係使用日本甜菊代糖，完全岩曬又怕肥又要食既我🙈而且佢既甜品都適合素食、糖尿病、乳糖不耐、生酮人士進食架！