香港觀塘｜小火焰 Aidan Korean Dessert Cafe

呢間韓國菜餐廳既午市晚市menu都試過，質素一直都幾穩定，所以某日係觀塘煩惱緊食咩好既時候，就即刻諗起呢度😋當日食左： 🧀卡邦尼年糕($98+10%) 呢個年糕份量好大，入面有煙肉同蘑菇，仲有一隻溫泉蛋係上面，由於屋企人唔食生蛋，所以就只係撈左落一邊🤣年糕好軟糯，所以唔會食到牙骹好攰。醬汁非常creamy，撈埋溫泉蛋變得更好食，而且仲勁拉絲😍好好食，食左大半兜都唔覺得膩 🐥炸雞Combo($88+10%)←必點!💯 入面有芝士薯條、甜辣炸雞塊同炸雞軟骨。 每次嚟都一定會叫呢個set，因為真係好抵食！ 薯條除左上面有芝士醬，每一條都有芝士粉，食落甜甜地但好有芝士味，而且每條都好脆，炸得啱啱好👏🏻 甜辣炸雞既醬汁好好食，唔會太辣但好惹味，炸雞就算沾滿醬汁都依然好脆👍🏻 炸雞軟骨份量好多，每粒都好香口，唔會太硬，忍唔住一口接一口係咁食🤤 🍫糯米糍3.6牛乳雪花冰($78+10%) 最後梗係要食返個甜品啦🍧雪糕球既朱古力味極濃，雪花冰底好綿，牛奶味都幾出，配埋朱古力粉同杏仁片好夾。個人最鐘意就係個糯米糍，皮好煙韌，入面既朱古力cream輕盈得嚟朱古力味好出，成個甜品都好好食，食完好滿足💖

📍小火焰韓式咖啡廳 (觀點中心) (觀塘) 觀塘觀塘道410號觀點中心1樓1號舖 好耐冇出黎食lunch啦😙而家疫情開始回落，忍左咁多個月，要食好啲，對自己好啲先啦😝😝呢間餐廳lunch menu都幾抵，大約$50-60可以食到高CP值嘅韓國菜😍加埋小食同野飲，都係大約人均$100到🤤🤤觀塘黎講真係性價比極高😌 🥢大醬牛肉粉絲鍋 $68 上枱個時仲係冒緊煙熱滾滾出黎😙仲配咗一碗白飯😝牛肉嘅份量都十足，鋪滿哂成個鍋🤤🤤入面仲有大量嘅粉絲沉係底😌真係食到飽😋😋食完哂仲可以學韓國人咁，將成個白飯倒落個鍋到撈成湯飯🤩😙 🥢酥炸黑豚肉拌飯 $62 呢個飯真係性價比超高，撥開鋪係面既芝士同椰菜絲，有成大大塊豚肉，口感好酥脆。而且下面係紫菜撈飯配埋醬汁，真係食唔停口😋😋 而呢到嘅小食真係抵到唔信😍😍叫左主食後，可以追加幾份小食🤩而小食價錢都只係大約$10-15😌而且質素都十分之高質👍🏻👍🏻 🥢卡邦尼小杯年糕 $10 以為10蚊應該都幾舊年糕，點知裝到成隻碟滿滿🤩仲要仲係熱辣辣架😙年糕軟硬適中😌好creamy😛口感一流 🥢芝味韓式炸雞 $15 炸雞香脆得黎又唔會太油膩同太厚粉😋炸雞上面仲有大量嘅芝士醬🤩啱哂我呢個芝士控🙈而且呢款係一口炸雞，無骨又嫩滑🤤細細啖放入口啱啱好☺ 🥢泡菜餃子 $10 餃子好大隻脹卜卜☺️內裡超足餡料😝入面嘅泡菜仲係好新鮮🤤泡菜味濃郁，味道帶有少少微辣，食落好過癮呀🥳 🥢韓式小魚餅 $10 小魚餅既肉非常有彈性，細細舊又有好多料👍🏻 🥢芝士夾餅 $15 第一次食芝士夾餅，入面好煙煙韌韌，芝士味好出，不過記得要襯熱食先好味～～

有素食選擇👍🏻，款式都多，味道不錯。 侍應服務態度良好。