香港紅磡｜Sweet Craft

黃埔人氣雪花「杯」👍🏻 啲間Sweet Craft近期爆紅，專誠過來打下卡。以前啲條街只係一間茶樓嘅後門冇人流，店舖都係美容中心、補習社之類，估唔到冇行一排，依家已經變左條「文青街」，多左好多主打年輕人嘅食店，完全活化左成條街，仲吸引到好多區外客光顧，厲害👍🏻👍🏻 講番間店，夜晚8-9點依然有人龍，不過食「冰」其實唔會食好耐所以啲枱都turn得好快。店舖走簡潔風格，沒有太多花巧裝修，啱晒文青打卡😆 一場來到當然要試佢個招牌焦糖海鹽粉雪冰 （$52 ）。雪花冰係用牛奶製造，打得夠綿密而且有牛奶香味。個cream似係芝士奶蓋嘅味道咸咸地，配合雪花冰係幾好味，上面有大大粒焦糖脆脆，亦都好鬆脆。 整體係幾好食，不過就覺得性價比低左啲。雪花冰成本其實真心低，賣$52 都係得細細杯，兩三下就食完。依家係棉花杯，而唔係棉花冰囉，如果portion大番一倍就合理好多…

⭐【黃埔】焦糖控必試高質雪花冰⭐ 路經紅磡區，想起Bookmark已久的黃埔雪花冰店【Sweet Craft】🧊，剛好又到下午茶時間😋，決定路程遠小小都要去會一會顏值極高雪花冰😜。小店鋪面只有5、6張檯而且坐位不多，環境是簡約日系裝修，平日下午來到都已經坐滿了人，排隊買飛後大約等15分鐘。 店內除了有雪花刨冰🧊，還有軟雪糕🍦及自家調製飲品🥤。本來在店中猶豫了很久🤔，因為想試:白桃雪花冰、抹茶雪花冰、胡麻雪糕….每一款都很吸引🤩~最後試了店中人氣之選【焦糖海鹽粉雪冰】非常有驚喜😍，口感很有層次，賣一種香港少見的粉雪冰，加上焦糖口味，焦糖控必試👍 (我是焦糖控😎)，有機會再路過一定會Encore😋~ (P.S.門口玻璃門要用力向右推，不是自動門，不要懷疑請用力【向右推】，非常多謝當時有兩位美女鼓勵指導我推門（好大力先推得郁）成功進店…哈哈😂~~~~) 👍👍【焦糖海鹽粉雪冰】（HK$50） ⭐️賣相已經十分吸引😍，粉雪冰分成三層~ ⭐️面層鋪滿自家製的忌廉芝士、焦糖爆谷、焦糖蜂巢脆餅。 ⭐️廉芝士有鹹香味，加上脆卜卜的焦糖爆谷，還有大大舊的焦糖蜂巢脆餅，非常喜歡焦糖蜂巢脆餅的口感，好像叮叮糖的質感，滿載濃郁的焦糖味道。 ⭐️而中間粉雪冰是用紐西蘭牛奶制成🧊🥛，當牛奶變成冰後刨成粉雪狀，加上焦糖醬，口感比坊間的刨冰更綿更入口即溶，底層有法式燉蛋，而整杯粉雪冰都有焦糖醬穿插其中，所以焦糖味非常突出🤩，一杯粉雪冰有多種口感享受，層次亦豐富，值得推介👍~ 📍【Sweet Craft】 🇭🇰香港九龍紅磡黃埔天地百寶坊(第3期)地下G33號舖 Shop G33, G/F, Pebbles World (Site 3), The Whampoa, Hung Hom , Kowloon, Hong Kong

食完正餐又點少得甜品呢，行過隔離就有甜品食，夠晒方便 主打粉雪冰、軟雪糕、朱古力、鮮奶茶、沙冰奶同氣泡飲，賣相吸引 店主堅持用新鮮生果製作飲品，每杯都不含果醬調味，絕不欺場 客人仲可以清晰睇到成個製作過程，每一個步驟都一絲不苟，製作認真 焦糖海鹽粉雪冰 賣相有睇頭，層次豐富，全部都係自家製作 粉雪冰分成三層，面層擠咗忌廉芝士、焦糖脆脆同焦糖爆谷 中間係牛奶粉雪冰配焦糖醬，最底層係焦糖布丁 入口咸甜交織，味道豐富，粉雪冰軟綿幼滑，滲透著淡淡奶香，入口即溶 胡麻雪花 軟雪糕係炭黑色，入口帶陣陣芝麻味，唔會好甜 口感柔順絲滑，下面仲有穀物脆脆，口感豐富 連雪糕都係自家製，誠意十足