香港灣仔｜La Crêperie

La Piano 鹹式可麗餅採用蕎麥粉製作，厚身又不失脆口，食落帶有淡淡的鹹香，夾雜煙三文魚、菠菜、太陽蛋、忌廉和沙律，滋味豐盈又出色。 La Plougastel 甜味可麗餅採用小麥粉製作，皮薄而濕潤，軟嫩可口，微甘的滋味令人難忘。與紅莓雪葩、士多啤梨以及忌廉配搭食用，酸酸甜甜的味道令人上癮。 La sexy suzette 可麗餅視覺效果極優，會由職員即場將燃燒中的君度白橙皮酒淋在可麗餅上，火光閃閃，非常耀眼奪目，打卡一流。 甜甜的可麗餅配搭酸香的檸檬汁和芒果雪葩，入口清新又醒神，淡淡的酒香和酒苦味，令甜品更富深度。 Octopus Carpaccio 新鮮薄切的八爪魚片亮麗有光澤，以橄欖油和青檸汁醃製調味，入口酸香味鮮，油香不膩，清新開胃菜必食。 Mussels and French fries 餐廳採用來自肥沃的布列塔尼灣出品的Morisseau 藍青口，味道極為鮮甜，肉質嫩滑肥飽滿，帶有一絲清新的木香，簡單伴以白酒煮製，更顯鮮美。 薯條大大盆新鮮炸起，金黃酥脆，與鮮味十足的藍青口一起食，意外地合拍又美味，務必一試。 Val De Rance Sweet (2% alcohol🥰） Brittany Apple Juice 餐廳有兩款法式蘋果酒提供：Dry & Sweet 🥴 個人喜歡甜度較高的Sweet，入口即能感受到蘋果的甘甜，果香滿溢，酒苦味不重，十分順口，碳酸的口感十分清爽。 推薦按法國布列塔尼最傳統的食法，法式蘋果酒配法式可麗餅一齊食用，個中滋味令人驚喜😋 不喜酒精人士可選法國布列塔尼蘋果汁，同樣出色👍 餐廳採納歐陸海洋風設計，四周均以貫徹主題特色的飾品和壁畫作點綴，有令人置身於復古船艙內的錯覺，風味十足。 🐧❣️餐廳職員態度熱情又友善，會主動介紹各式食品，並按客人用餐進度提供食品，非常貼心值得表揚👍

灣仔正宗Crêpe、浪漫法式風情體驗 . 要數最近試過滿意既晚餐，就必需要介紹呢間喺香港屹立多年 - 灣仔法式小餐館𝕃𝕒 ℂ𝕣ê𝕡𝕖𝕣𝕚𝕖。睇餐廳名已經估到佢哋主打嘅項目一定係法國美食之一ᴄʀᴇᴘᴇꜱ可麗餅。其實香港都有不少打正旗號食ᴄʀᴇᴘᴇꜱ嘅西餐廳或者甜品店，但係ʟᴀ ᴄʀÊᴘᴇʀɪᴇ就特別俾到大家一種親切嘅感覺，就如去咗一趟法國，品嚐當地最正宗嘅味道。 . 店員主要講英語，食客中亦都有好大部份係外籍人士。餐廳裝修以航海主題，有置身海邊小碼頭感覺。地方唔算好大，有一半係高枱位置，加上微微燭光，感覺幾ᴄʜɪʟʟ。服務員有禮熱情咁介紹菜單，所以基本上今晚菜式都係交由佢哋發辦。 . ᴏʏꜱᴛᴇʀꜱ 到法式餐廳，生蠔頭盤唔少得。差不多手掌咁大隻既生蠔，份量絕不欺場。生蠔肉質ᴄʀᴇᴀᴍʏ 海水味濃，夾紅酒醋感覺不錯，屬正評出品。另餐廳仲奉上法包盤，為今晚豐富嘅一餐揭開序幕。 . ꜱᴄᴀʟʟᴏᴘꜱ ᴘᴀꜱᴛᴀ 主食點左一客忌廉帶子意粉，帶子煎得香脆大大粒，白汁意粉正常發揮但做得恰到好處。 . ʟᴇꜱ ᴘɪᴇʀʀᴇ’ꜱ ɴᴏɪʀᴇꜱ 另外當然要試吓佢哋招牌之一既 ɢᴀʟᴇᴛᴛᴇꜱ。法式薄餅有分甜吃同鹹既做法，鹹薄餅叫ɢᴀʟᴇᴛᴛᴇꜱ - 餅皮係有蕎麥粉製成，顏色比較深，甜度比較低同香脆。餐廳提供左非常多嘅鹹甜ɢᴀʟᴇᴛᴛᴇꜱ、ᴄʀᴇᴘᴇꜱ比大家選擇，款式目不暇給。ʟᴇꜱ ᴘɪᴇʀʀᴇ’ꜱ ɴᴏɪʀᴇꜱ 配料有煙燻火腿、芝士、大蕃茄、蛋同沙律菜伴碟，蛋仲要係我最愛嘅流心狀態。 . ʟᴀ ᴊᴀᴍᴀɪᴄᴀɪɴᴇ 食完鹹既法式薄餅當然唔少得要試埋佢哋甜版本ᴄʀᴇᴘᴇꜱ。ᴄʀᴇᴘᴇꜱ用上小麥粉，對比下口感比較甜同埋鬆軟。第一款出場嘅法式甜薄餅係有酒精火焰版既ʟᴀ ᴊᴀᴍᴀɪᴄᴀɪɴᴇ - 有雲呢拿雪糕、焦糖化香蕉再加上ɢʀᴀɴᴅ ᴍᴀʀɴɪᴇʀ 酒。店員淋酒前好貼心咁叫我哋準備相機，有焰火既ᴄʀᴇᴘᴇꜱ打卡呃ʟɪᴋᴇ一流。味道係可預期既美味，酒既味道比較濃，中和左甜膩。 . ʟᴇꜱ ᴠᴏɪʟᴇꜱ ᴅᴇ ꜱᴀɪɴᴛ ᴛʀᴏᴘᴇᴢ 另一客ᴄʀᴇᴘᴇꜱ選左冇酒精版本，雲呢拿雪糕再加上煮過既焦糖蘋果同海鹽牛油焦糖醬。煙煙韌韌ᴄʀᴇᴘᴇꜱ配上傳統風味甜品都係無得輸。 . ᴄɪᴅᴇʀ 法式可麗餅配法式蘋果酒係最傳統嘅食法。餐廳介紹佢哋有幾款唔同嘅蘋果酒，當中包括甜度比較高2%酒精版本或者比較乾身嘅5%版本。因為酒量極淺一杯即醉，所以叫左入門級別。蘋果酒甜度真係非常高，酒精味唔重似飲緊蘋果汁。對於平日好少飲酒嘅我一飲愛上（當然如果飲得嘅朋友應該叫返正常5%版本會比較好）。 . 總結：呢間ᴄʀᴇᴘᴇꜱ老店食物出品同服務皆不錯，整體環境俾到食客一種傳統同滿滿人情味感。值得定期回訪系列。

午餐選擇豐富，價錢合理。味道很好👍