香港佐敦｜Tong Shui Dang1987

🔸招牌 鴨腎菜乾豬骨粥 粥底綿滑細膩，啖啖鴨腎、菜乾及豬骨的鹹香，好似細個街邊檔買返屋企食嘅味道～而且好足料，啱哂清熱潤肺👍🏻 🔸鹽燒牛舌 外皮焦脆香口，牛味濃郁而口感柔軟細嫩 🔸鹽燒牛柳粒 表面香脆微焦，食落肉味濃郁，肉質細膩柔軟 🔸豬皮蘿蔔魚蛋 經典小食之選～魚旦入味而爽口彈牙，豬皮爽軟綿潤，蘿蔔鮮甜柔綿仲啖啖咖喱味而不帶渣 🔸豉油王炒麵 炒麵乾身彈牙而鹹度適中，配埋芽菜及椰菜口感更豐富 🔸XO 醬炒蘿蔔糕 小塊的蘿蔔糕外表酥香內裡綿滑軟密，爽口芽菜及椰菜，配上香辣細膩的XO 醬夠哂惹味，愈食愈過癮～ 🔸白雪女皇．腐竹桃膠糖水配燉蛋白 腐竹清香嫩滑，加埋Q彈的桃膠及軟嫩綿密的燉蛋白，甜度適中夠哂滋潤～ 整體味道相當不錯，特別豬骨粥好有水準，而糖水有經典又有新派，感受到小店用心烹調，值得再來支持～

小妹覺得呢間係樸實經營既小店，除咗有糖水外，仲有多款香港口味既小食，而且以經濟實惠足料價錢🤩 環境亦相當唔錯，坐得舒服，絕對推介😘 店舖開到零晨，絕對適合好似小妹口痕突然想食糖水/朋友飯後聚腳既好地方💓

呢間位於柯士甸站附近嘅小店，堅係禾稈冚珍珠👍🏻。樣子其貌不揚，但非常有內涵，每一款食物都有鑊氣又好味，勁有質素，好值得推介俾大家！👍🏻👍🏻 佢前身係一間有啲歷史嘅糖水舖，舊老闆因為年紀大，一對情侶食客決定承傳老店。店主曾經喺日本餐廳做廚，加入左各種特色創新元素，希望為大眾帶嚟一個宵夜聚腳點😋。 ⭐️吉列一口豚 入面嘅日本豚肉，肉質非常嫩滑，非常juicy，食得出唔係普通貨色！外面嘅粉，明顯係自己上蛋漿再上粉，炸皮好薄，即叫即炸，非常香口又新鮮！忍唔住要讚吓老闆👍🏻因為就算即炸外皮都唔油，瀝油做得好好！真好食！要encore！ ⭐️ XO醬炒蘿蔔糕 佢哋嘅XO醬係自家秘製，落咗好多瑤柱，好惹味😋。用嚟炒蘿蔔糕，味道辣辣地，好過癮👍🏻忍唔住係咁夾😂 ⭐️灰姑娘 灰姑娘即係芝麻糊加燉蛋白，超級香芝麻味，就算凍食，一上枱好已經好香。食落去雖然唔算係好杰身，但芝麻味十足，而且仲食到一啲磨到好幼細嘅芝麻，非常真材實料！ ⭐️擂沙湯丸 細細粒嘅擂沙湯丸，入邊包住好濃郁嘅黑芝麻，出面灑滿黃豆粉，一上枱黃豆粉嘅香味已經飄埋嚟😋。入邊嘅黑芝麻真係好濃郁同香，一啖食落去，黑芝麻爆滿一口，得四粒真係完全唔夠喉🙈好想encore 呢個！ ⭐️燒汁蒜香牛粒 牛柳粒，絕對唔係一啲普通貨色嘅牛柳，肉質咬落好有彈性，再加上蒜片同牛肉汁，成個肉味再突出左同有所提升，又係另一個必叫之選！ ⭐️芝士撈麵 芝士味好濃，而且沾滿每一條麵，鍾意食邪惡嘢嘅朋友，可以叫呢一個再搭一個小食變套餐，一人獨自都快樂！ 見返呢種特色小店，真係好掛住。呢種唔係大集團嘅味道，真係買少見少了。🥲 仲要真心好味過大集團，真係好值得支持👍🏻👍🏻👍🏻大推！ Please follow my IG if you like my review. IG: goodeatmeal