香港黃大仙｜豪園麵家 House of Ho Yuen Noodle Cuisine

港式地道茶餐 下午餐抵食．性價比高 炒飯粒粒分明．即叫即炒有鑊氣 店員有效率

今晚去左黃大仙附近食晚餐，揀左呢間外貌親民嘅中菜館，叫咗精選兩人套餐，食到飽飽好滿足。 先嚟嘅係老火湯，隨餐附送，湯底足料，有瘦肉同粉葛，好滋味。清灼時菜，芥蘭翠綠鮮嫩，另外有蠔油分開上。仲有一碟拔絲欖角骨，上菜嘅時候熱辣辣，好夠鑊氣，欖角骨帶少少焦香，甜甜哋好開胃，仲配埋我最鐘意食嘅玻璃菜。 最後各人一碗大大碗嘅蠔仔肉碎粥，有好多蠔仔，仲加咗啲冬菜同比目魚乾，味道濃郁，送蠔仔粥一流。 口痕叫咗炸雲吞，炸得好脆皮，蝦肉好彈牙好好食！不過朋友喉嚨其實唔太舒服，即刻叫咗杯熱西洋菜蜜潤下喉。

下午茶時間又到啦！地鐵附近原來有間茶餐廳，同友人入到去坐下睇完個餐牌就叫咗份常餐 + 兩份下午茶 + 小食 等到2:30先可以叫下午茶餐，小朋友想食薯條，就叫咗份 [ 炸雞脾 + 沙律 + 薯條 $45 ] 炸雞脾外層香脆，內𥚃肉質嫩滑，薯條即叫即炸，沙律當然係味道啦！跟餐飲配埋 [ +$3 凍檸檬茶 ] 就啱啱好 常餐份量比較多 [ 腸仔公仔麵 + 火腿奄列 + 牛油多士 $50 ] 2條煎過嘅腸仔、火腿奄列，重蛋香味，蛋夠滑、配牛油多士。跟餐飲 [ +$3 凍檸檬茶 ] 少甜少冰 另外叫咗碗 [ 彈口墨丸河粉 $45 ] 清湯湯底，墨魚味足，墨魚丸口感彈口，食一口滑滑嘅河粉，飲一口湯，啱啱好。跟餐飲 [ +$6 凍柚子蜜 ] 清甜好甜 仲叫咗兩份小食，一份係 [ 炸雲吞 (5粒) $34 ] 口感香脆，內𥚃仲有彈牙蝦仔。另外再叫咗份 [ 懷舊咖哩魷魚 $68 ] 香濃咖哩味，爽口彈牙魷魚，食到lamlam脷 豪園麵家-- 黃大仙睦鄰街8號現崇山商場地下21號