香港長沙灣｜雲南風味小鍋米線

偏向清淡 唔係傳統個種湯 但夠香 唔係死酸死辣 墨丸好食 唔會好粉 雞肉就麻麻地

我諗我中意左你呀，米線！😍 小妹不嬲都唔好米線， 但係係無選擇既情況下黎食左次， 之後我竟然成日掛住佢😂 仲自己黎食左好幾次😂😂 餸呢就同其他店差不多， 而今次就叫左碗小鍋米線 🍜 加左腐竹，酸菜，雞翼，肥牛😍 湯底轉咗做酸辣濃湯。 腐竹係鮮腐竹黎既，份量非常多！ 口感好順滑豆味都夠香😋 唔會好易爛食落去都仲有啲口感。 最鍾意係同米線夾埋一齊食🤩 酸菜嘅份量亦都係好多好多！ 多到係基本上每一啖都一定會有佢🤣 味道偏甜唔會話太酸。 口感爽脆好開胃😌 雞翼有2隻，都夠入味， 但係肉質比較實， 一定係做慣運動嘅雞😂😂 肥牛就係平時打邊爐嗰款，不過不失。 我諗最吸引我嘅係佢嘅湯底同米線， 以前成日覺得米線太過稔。 冇乜口感。 但係呢度嘅米線會有少少煙韌嘅感覺， 同埋比較幼身。 湯底酸酸辣辣令人食唔停口。 辣度又可以自行選擇， 啱晒唔同口味嘅米線控。

荔枝角數一數二好味米線，獨有奶香味，佢個湯底係鎮店招牌，次次都飲到見碗底。 （本人推介：雞肉滑、豬軟骨入味、炸醬肉碎有口感、 腐皮滑吸湯汁一流）。