香港葵芳｜孖寶車仔麵

港式車仔麵｜ 孖寶車仔麵 | 葵芳 呢度除咗車仔麵之外 其實仲有好多好好食嘅嘢㗎🤍 ————————————— 🫶🏼 生菜魚肉 $20 湯底好香嘅芝麻油 甜甜地 魚肉份量極多 所以好大碗 入秋叫呢個真係啱晒 暖粒粒 🫶🏼 腸粉 $10 $10@3條 份量都好夠飽了 上到枱佢已經幫你加埋甜醬花生醬同豉油 如果唔想要其中一樣 記得要落單前講聲啊 🫶🏼 辣魚蛋 $10 個汁超香濃 咖喱味好突出 陳皮魚蛋好有咬口 比我想像中個汁更加辣 🫶🏼 番薯糖水 $20 超級大碗！有成7大舊嘅番薯 而且仲好甜好夠姜味 必叫！！ ———————————— 📍 孖寶車仔麵 葵芳葵富路7號葵涌廣場地下A15號舖 ———————————— Overall 💗💗💗💗

. 琴日同老公返屋企前去葵廣食飯 又食平民高質飯堂~孖寶車仔麵🍜 店員服務都好nice好有親切感 上菜亦好快 今次兩碗都叫左四餸 每次黎都一定會加牛雜 呢度既牛雜好入味香濃 份量都好多 牛肺 牛心 牛肚都好出色！真係比起一啲專食牛雜既專門店都黎得好食～ 豉油雞翼都係呢度既大熱 一樣滷得好入味 記得好多年前讀緊書係葵廣返part time 都會專登買佢地既雞翼黎食 愛吃燒賣既絕對可以考慮叫返個餸 有5粒 係我鐘意食既煙韌彈牙口感 配烏冬食好正 再加腩汁🤏🏻 一邊食車仔麵 再飲住凍檸茶🥤一流～

葵廣人氣車仔麵 今日同阿仔去葵涌廣場, 呢度好多店舖都係平靚正, 食野掃街都好多不同嘅美食比你揀。想食粉麵小食, 通常會嚟孖寶車仔麵食, 佢鄰近大門, 以車仔麵聞名的; 小店除咗有車仔麵, 仲有多款經典港式小食, 魚旦燒賣, 腸粉, 碗仔翅, 生菜魚肉, 滷水美食。經常座無虛席, 外賣嘅人客也不少。 餐牌好似一本秘笈咁, 介紹咗不同食品同套餐。我地叫咗兩個三餸麵及飲品。湯底可以揀清湯/ 腩汁/ 秘製汁; 另外可以加$3 要沙嗲汁/ 孖寶醬汁(小/大辣), 要蔥唔要蔥都可以揀。 麵底都有好多款, 有幼, 粗麵, 米粉, 線, 烏冬等, 另外仲有飯, 腸粉, 餸料種類都有50幾款, 丸類, 蔬菜類, 肉類, 內臟等, 應有盡有。三餸麵$50起, 額外每餸加$10。 我叫咗個四餸車仔麵 , 米粉, 滷水雞翼尖, 魚肉, 牛肚及魚肉春卷, 秘製汁; 另一碗叫咗油麵, 辣魚蛋, 牛柏葉, 牛丸, 蟹柳, 魚片頭, 小辣; 滷水雞翼尖同牛肚都好入味, 雞翼尖滷水滷完都好似骨膠原咁, 黏口的; 牛肚細細件剪好哂, 又易入口, 又夠淋。魚肉都幾彈牙, 好食, 再加埋佢地自家製辣菜莆, 更加惹味。另一碗辣魚蛋係用陳皮魚蛋, 彈牙惹味。牛柏葉爽口, 吸哂啲辣汁食更加正呀! 飲品叫了一杯檸檬茶及一罐可樂, 可以跟餐配。 #孖寶車仔麵 #葵涌廣場 #腸粉 #街頭美食 #葵芳車仔麵 #金牌翅麵 #美味 #香港情懷 #香港美食 #hkfood #hkfoodie #Kwafong