香港荃灣｜San Lung

今天路過去吃，一家人都覺得超好吃😋 價錢可以很值得推薦喔！已列入口袋名單

荃灣好食嘅牛腩店有好多間，不過有清湯腩嘅就唔多，路過見到呢間，牛腩控嘅朋友，二話不說就拉我入去試！ 店面闊闊落落、乾乾淨淨，好好坐！ 睇睇餐牌，原來除咗清湯腩之外，仲有好多其他選擇，唔食牛肉嘅朋友嚟到都唔怕冇嘢食 坑腩河分量十足，大大碗又勁多牛腩；呷啖湯，牛味超香超濃，係材料同時間的結晶品、仲飲得出老闆的心機！ 河粉爽滑、質感幼細，正貨！ 蘿蔔鮮嫩冇渣、清甜入味！ 正主兒肥瘦適中，切得剛剛好，一口一件；有𡁻頭得嚟唔嚡口！牛味超濃超香，肉味加脂香在口腔中衝擊著每個味蕾，是牛腩控的至高享受！ 蝦籽撈麵配上豬潤湯另加雲吞，可以同時滿足多重享受！ 麵質爽彈又乾身、大量的蝦籽又鮮又香；雲吞中大大隻鮮蝦，新鮮到像在口中仍跳動一般！ 豬潤的精華已落在湯中，令人想起兒時媽媽的味道，最利害的是塊豬潤仍保持鮮嫩口感，估唔到“牛”店處理豬雜也有一手！ 黑白胡椒浸豬肚粉腸，又係大大碗，湯有濃濃胡椒香，味道竟跟某些主打胡椒豬肚湯的名店出品一樣； 同豬潤咁，豬肚同粉腸都處理得好好，豬肚爽脆唔靱，保持咬口；粉腸軟淋而不爛、內裡仍多粉但不苦，高手處理確係唔同！ 蜆芥鯪魚球，炸得表皮酥脆、內裡彈牙，魚肉魚香十足，應該是用純魚肉打的，兼且撻得夠徹底，所以肉質緊緻、口感彈牙；味道也調較得甚好，跟店家獨門單方料理的新鮮蜆芥醬，簡直是絕配！ 香辣雞腳，黑鳳爪已去骨，食得方便，經過大量洋蔥、芫荽及自家製辣油加持，令平平無奇的雞腳，味道提升到更高的層次 咖喱脆魷魚，本身唔太敢食這類水魷，因坊間提供的，大部份都經梳打粉“發”到冇哂味；呢碟凍食嘅魷魚甚有驚喜，魷魚爽脆兼仍保留其原味，咖喱也調較得很香，像極兒時街邊車仔檔，真係好正！ 整多杯話梅柑桔七喜，酸酸甜甜的，享受真是無以上之！

食物款式堅多，除了不同牛部位，還有湯飯、口水雞、柚皮、蜆芥鯪魚球舊式小食，很大眾化，總有一款啱食，而且不吃牛都可以選到沒牛菜式。 首先清湯牛腩飯，當日佔6成人選擇，大大碗清湯腩，我們選坑腩，腩位更加軟臥，蘿蔔爽口多汁，湯頭非常甜沒有味道為一絕！飯另上，聽到可以免費加飯。 咖哩薯仔牛腩 （可選辣度） 佔5成人選擇。 牛腩大件，啖啖肉而且有滑滑牛根。 上湯浸西洋菜 好喜歡西洋菜湯味道，沒有味精西洋菜味濃。 白灼鮮鵝腸 甘香爽脆，口感一流加上豉油和辣椒，完全錦上添花！ 話梅柑桔7喜味道酸甜爽涼， 話梅柑桔對喉嚨有益，非常健康。 但最可惜沒有外賣，這樣對不想到店的客人不方便，而且少了外賣客。