香港旺角｜恒達油渣麵

小店餐牌走凌亂風格…好吧，這是店鋪特色之一。炒蜆大部份時間又肥又甜又冇沙，食落有水佬醬風味。住家湯抵飲值得一叫。

**誠意推介** 週六同男朋友喺油麻地一帶經過 喺廣東道尾沿路都唔見有咩特別好食 係遠遠見到招牌有一間寫住油渣麵 心唸都好耐冇食過 於是就行到去門前再望望 眼見小店係細鋪位好窄 第一眼吸引到我男朋友係有豬肺湯 見到後生店主熟練地介紹有咩食 有咩推介 一於入內試試 店主強烈推介有老火湯飲 應該係每日唔同款式嘅例湯 今日有魚湯同花膠湯 揀咗花膠湯 花膠湯係比想像中多花膠之餘 仲要係真係有屋企老火湯嘅味道 大大碗又似冇乜味精 另外點左個細嘅招牌油渣麵 油渣麵好食過深水埗比較出名嗰間 一嚟油渣入口唔係太油膩 佢哋自家製嘅菜譜辣味同油渣好夾 因為下午茶時份 店主推介嘅生炒糯米飯真係食唔落 呢個留返下次先叫 今次就多點一份豬腸豬紅 豬腸一嚟到嘅時候好明顯見到係堅既又肥又大豬大腸 豬腸食落去係有淡淡滷水嘅香味 而豬紅食落去 唔係好似一般坊間食到好削個種 豬紅係比較紮實 有咬口唔易散 整體個人對小店嘅出品覺得非常好 雖然未試到另一招牌菜 不過對於今次店內體驗係唔錯 雖然係小店 但當你聽到店員話「有湯飲」「飲湯啦」另有一番感覺好似返咗屋企咁 而出品亦都真係有家嘅感覺 唯一要挑剔嘅地方就係餐牌有好多都係冇價錢 除咗油渣麵知道價錢之外其餘其實都唔知幾多錢 細碗油渣麵$33 老火湯$30 豬紅豬腸$50

油渣麵配雲吞超正超抵食🥸勁有人情味