香港尖沙咀｜Nmcnoodles

農米莊🐓👨🏻‍🌾 本來盡可以都逃離人群既我，今平安夜毅然衝去尖沙咀，同人逼，目的就係買個充電氣泵，為聽日25號聖誕節，上山避世！ 🎄🛍️🎉🎀尖沙咀除左多人逼影海港城出面棵聖誕樹之外，就係好多人排隊等食嘢，所以大時大節一係預早訂枱，一係比正常食飯時間早去食左先，而我就揀左後者～ 「一碗可以連湯都飲晒嘅米線！？」🤔🤔 認真一問，平時食米線既朋友仔，你地會唔會飲埋個湯？我自己係會既，不過次次都因為個湯底太咸，最後都唔會飲晒個湯。 去到因為7點半都未到，難得門口無人排隊，即到即有位，一行二人，試左個“椰子雞湯米線-養顏首選”同“黑蒜雞湯米湯-健康之選”仲有黑金雞翼。 椰子雞湯米線-養顏首選🧉🐔$59 一黎到，陣椰子味就籠罩住成碗米線，而且碗湯雖然出晒煙，但放落口溫度啱啱好，對於無食晏既我嚟講，係幸福感☺️ 講返碗米線，奶白湯底加上淡淡既椰香，仲有少少椰肉碎，令我飲完一啖又一啖，雞係非常驚喜，胸肉軟林，雞味強烈，識食一定食雞胸（有雞味之餘又唔肥） 黑蒜雞湯米湯-健康之選🍜$60 喜歡黑蒜既朋友或者會對個湯底失望，因為佢無某即食麵個黑蒜味咁強勁。話晒呢個湯都係比人飲，唔係比人拌麵，所以相對地係比較淡，呢個湯係可以不斷飲而唔覺得咸既。米線底煮到好棉滑，筷子都成日捉唔住。 黑金雞翼-5隻🍗🍖$38 比美土匪雞翼既菜式，外層唔係炸唔係煎，但非常香口，咬開肉汁豐富，蒜味醃到入骨，我差啲連骨都吞埋，私心推介💓💯 🌶️🌶️⚠️枱面有唔同調味任君選擇，但要留意辣椒油同辣椒粉，係非常辣，要慎落，唔係既會好後悔。 我真係飲晒成碗湯！ 兩個人尖沙咀節日下食晚餐，平均一個人$80，除咗滿足，就係飽肚既感覺，而且一啲都唔口渴，我8點鐘離開，門口開始有人排隊，唔想排隊既記得預番時間去食啦😜

真實食物的味道！不像有些米線的合成湯底。雞很滑，很好味 yummy. it has the real food taste, unlike other chained mixian shops with artificial flavour. chicken is good. coconut chicken mixian is recommended

必食藥膳/黑蒜雞米，下午茶$48