香港灣仔｜Ten Bros Cart Noodle

香港嘅車仔麵有無數咁多間，但食完會encore嘅就真係唔算多，但食完呢間會有想再食嘅念頭~ 今次嚟開灣仔經過呢間車仔麵舖見到款式都幾多，仲有幾特別嘅菠菜麵底，即係狗衝入口食個晚餐！ ✨招牌八寶麵 - $55 已經包左8樣餸又幾抵玩，佢個牛坑腩好淋好入味，白蘿蔔夠清甜！豬紅都好足料，仲有唔係度度有嘅陳皮魚蛋，夠晒特別，同埋唔少得個腩汁湯底，係車仔麵嘅精髓，一飲就知佢係有料嘅😜 ✨自選車仔麵 - 我揀左個推介嘅紅燒鮑魚，好爽口彈牙，仲有鮮蝦韮菜餃，裡面真係有大大隻蝦😻同埋我至愛嘅菠菜麵底，軟硬度適中，口感好正🤤 ✨小食拼盤 - 炸燒賣當然係冇得輸，鮮蝦雲吞卜卜脆，炸墨魚春卷就外脆內軟，食到停唔到😋 另外仲有紅腸同墨魚丸，多款又抵食！！ ✨無糖豆漿 - 似係店舖自己磨，雖然叫左無糖，但好香豆味，同埋好滑🤩

蠔皇紅燒鮑魚+醬爆瀨尿牛丸+鹵水豆腐+香炸豬頸肉(清湯+小辣) 湯底唔算好鹹，所以唔會蓋過食材同麵本身嘅味道，鮑魚同豬頸肉都唔會好韌，豬頸肉炸過之後浸落湯都仲香口，豆腐有豆香同少少鹵水香味，唔會好易散。瀨尿牛丸中心有餡料同湯汁，朋友食嘅時候好似食神咁做到爆汁嘅效果😂

自選車仔麵 ($79) • 我選擇的是四餸車仔味，加上小辣咖喱汁、多蔥和辣菜脯。湯汁因為有咖喱的緣故而十分惹味，辣的程度亦點到即止。 香辣玻璃魷魚 • 不愧為店裡皇牌之一，魷魚口感緊緻脆口而彈牙，辣味滲透均勻。 蠔皇紅燒鮑魚 (兩隻) • 同樣是皇牌的食材，一口一顆，口感煙韌而且彈牙多汁，十分滋味！ 通菜 • 份量絕不吝嗇，鮮嫩爽口、葉的部分吸收了湯汁變得惹味。 香辣陳皮魚蛋 • 口感紥實彈牙，充滿魚肉、陳皮和香料等味道，輕微的辣度令人食指大動。 整體而言食物水準、其獨特性以至出餐的速度都是一間質素頗高的車仔麵店。