香港荃灣｜Mom's Dry Noodle - Tsuen Wan Plaza

今日同朋友過嚟荃灣呢間老媽拌麵餐廳，交通都是便利，荃灣西馬鐵站過來只需五分鐘左右，今日比較早到餐廳唔需要等位，然後直接叫咗個二人餐發現當中有唔少驚喜 首先講緊個炸物拼盤：9/10分。呢個雜物係新鮮炸嘅，先講講個炸雞，炸雞外脆內軟唔會有太多粉！炸魚蛋和腸。質素都正常 鮮茄牛肋骨煲9/10分，肉嘅分量比較多而且質素好，茄汁嘅味道天然唔會話好多味精的 雞絲拌麵:8/10分呢個拌麵質素正常！雞絲同埋辣味配搭得太好份量亦唔少

台灣有好多#乾麵 #拌麵 產品，可以取代#即食麵，成為方便一餐，#老媽拌麵 係我其中一個比較鍾意嘅品牌，不過餐廳開左咁耐，我終於得閒試下啦！想試多啲嘢，叫餐好似睇過散叫，仲可以試新嘢。 大滿足2人晚餐 $288 路邊攤小吃拼盤 有花枝丸、香腸同#豆乳雞，台灣香腸配生蒜是常識吧！所以今次主要講豆乳雞，#鹽酥雞 點腐乳醬有少少酒香，但味道唔濃烈，係一個開胃嘅開始。 西紅柿慢煮牛肋條鍋(配珍珠米飯) 一間食麵做主打嘅餐廳，新產品係飯，即刻令我好想試下。呢度係大塊番茄🍅配紅白蘿蔔炆牛肋條，宜家都入味，好好送飯。不過番茄炆爛啲，可以更融合。 椒麻手撕雞拌麵 #刀削麵 椒麻味係我比較鍾意嘅包裝味道，多麻少辣，刀削麵可以吸收更多醬汁，更惹味。堂食版本，可能為左配合清淡嘅手撕雞，麻味更重，食到底見到仲有好多花椒油剩，唔知大家鍾意邊個版本多啲呢？ 鳳梨茉莉鮮果茶(凍) 少冰 +$10 水果茶一路都正，鳳梨嘅酸甜配茉莉茶嘅清香，一路配搭都好好。仲有好多生果可以食，非常適合打卡。不過飲到底酸味比較濃。 金羅漢果海底椰 食咁多炸嘢，需要清熱。金羅漢果係低溫脫水，除左營養保留得好啲之外，味道更加清甜，無咩涼茶嘅感覺，飲得舒服啲。加埋海底椰，一個字，潤。 花奶仙草凍 清甜，返璞歸真，簡單就是美。簡單將仙草凍、糖水，同花奶撈埋一齊，有啲似廣東食法，不過台灣仙草凍係比廣東涼粉軟啲同煙韌啲，食落更順喉。 黑糖珍珠奶茶布丁 +$38 珍珠奶茶係可以食嘅，奶茶變成布丁係另外一種感覺。真正木薯造嘅珍珠，單食會太甜，如果配合布丁食會好啲。布丁除左滑之外，仲好Q彈，感覺特別。 小計：$336 總共：$370

今日行荃灣廣場經過一間台灣菜叫老媽拌麵，第一時間就會諗起牛肉麵，即刻吸引左入店。早前已經食完依間既牛肉麵覺得係幾好食，麵冧湯濃。 入店睇下餐牌，突然望到 🍚飯,全部都係飯🍚， 原來老媽而家有小菜食，仲有幾款都係新款(餐牌有個👍🏻)。 豐盛二人餐 小食：鹵水拼盤 牛肚牛𦟌豆腐多款集合而成，鹵得非常入味，而且肉質較軟。 🍲主食：石鍋話梅酸汁豬手飯 肉質嫩滑多汁，骨膠原豐富，石鍋上會保溫，汁濃送飯一流。 🍲主食：石鍋西紅柿慢煮牛肋條飯 去了骨，選取肉的部份,肉質非常軟身能輕易咬開。底下有幾舊白及紅蘿蔔，炆到似豆腐咁冧，亦好入味。 🥤飲品：芒果沙冰（限定） 沙冰打得好溶而且有果肉，超級解暑，酸酸地好開胃。 🥤飲品：鳳梨苿莉果茶 鳳梨果汁配淡苿莉茶混合後酸酸地好醒胃，果茶都好飲。 食台灣菜唔止得牛肉麵架，小菜配飯都可以整得好地道，下次你地都去試下啦！🥰