香港觀塘｜Longevity Dan Dan Noodles

午市一人套餐 $75 營養湯 營養湯今日係蓮藕瘦肉湯，味道鮮甜有帶肉香味，味道香濃😋。 雞絲粉皮 首先前菜可以3️⃣選1️⃣，我地揀咗雞絲粉皮，雞絲🐓肉質軟嫩，撈埋青瓜絲🥒，煙韌滑溜啲粉皮及醒胃香濃的芝麻醬汁一齊食，簡直係絕配🥰。 銀芽炒鱔糊 小菜可以🔟選1️⃣，Duck嫂🦆一見到銀芽鱔糊，就話一定要揀，因為已經唔係好多地方有得食。鱔糊醬汁味道濃郁，肉質爽滑🥰，銀芽炒得好有鑊氣，十分惹味😋。 詠藜園擔擔麵 $43 湯底非常濃郁，花生🥜味勁濃；麵質就爽滑、有蛋香味、完全不黐牙🥰，掛湯後充滿麻醬花生嘅香味，不愧為詠藜園擔擔麵🤤。 楊家小籠包 $48/4隻 小籠包個皮唔厚，一咬落去湯汁即刻漏出😍，十分好味😋。 一口鍋貼 $45/5隻 鍋貼🥟皮煎得金黃，一啖一隻，餡肉鮮香，好食😋。 豆沙鍋餅 $48 豆沙濃質感幼滑🥰，連同煎得香脆嘅外層一齊食，口更豐富又好味🤤。 整體而言，食物高水準，價錢親民環境舒適，又有園景可以望。

高質改良擔擔麵 & 蜜汁火方｜驚喜程度100分 之前無意中睇到有網頁介紹呢間餐廳，有D興趣，同事經過睇過呢度lunch嘅時侯都會有人等吓位，所以就揀左呢間餐廳做晚飯嘅落腳好地方，位於觀塘凱匯嗰邊嘅【千歲擔擔麵】，回味一下呢款喺香港紮根已久嘅經典四川麵食！ 去到餐廳係7點半左右，餐廳都已經滿左7成人，入面地方都幾大，一個差不多長方形既舖位，一眼望晒，如果爆場的話都會覺得闊落，因為每張枱之間都好寛鬆，完全冇壓逼感。 呢度雖然冇好靚嘅裝修，但食物同服務都一流，店員好親切而且充滿笑容，服務都好周到，會主動幫手更換碗碟，上菜落單都好快手。 ◼️詠藜園擔擔麵 麵條彈牙有嚼勁，搭配上花生醬同香辣嘅調味料，口感濃郁，係經典嘅擔擔麵味道！ 但若說特別，一定唔夠改良擔擔麵食得咁開心！ ◼️改良擔擔麵 呢款擔擔麵其實係詠藜園擔擔麵嘅變奏版，除咗保留返詠藜園擔擔麵嘅特色之外，仲搭配咗大量嘅肉碎，大大咁增加咗成個麵嘅豐富度，如果下次再食嘅話我一定會加多幾蚊食呢個改良版嘅擔擔麵！ 幼滑麵條在惹味麻辣湯料中，伴著豬肉碎和蔥花，每吃一口，都叫味蕾跳躍起來。 ◼️炸銀絲卷 我很愛很愛吃炸銀絲捲，銀絲卷是台灣常見的點心之一，無論是蒸的、炸的都十分美味，尤其是炸銀絲卷配上香甜的煉乳，讓大小朋友都愛不釋手。 呢度嘅炸銀絲捲，跟外面有點不一樣，因為打開了，入面有兩層最內層是黃色的卷 狀，第一次見到！整體都保持到一定程度嫩滑嘅口感 而外層炸得金黃酥脆配搭煉奶咁樣食，每一啖都有滿滿嘅爽脆同香甜！ ◼️蜜汁火方 呢道係浙江嘅傳統外菜，平時好少會見到有得嗌嚟食。 上碟就見到呢道菜係由蜜汁火腿、青瓜、脆炸腐皮同饅頭皮組成。食法就係將啲食材夾喺饅頭皮入面去食。鹹香厚重嘅火腿同香甜嘅蜜汁帶嚟一種獨特嘅鹹甜口味，搭埋脆炸腐皮同青瓜嘅清爽口感，獨特嘅滋味真係一試難忘！ 呢個蜜汁火方我比100分！因為好耐未試過食一度菜係咁有驚喜了！ 總括嚟講，【千歲擔擔麵】嘅嘢食價錢合理味道唔錯，下次去觀塘食飯都會再encore佢嘅蜜汁火方！！

楊家小籠包 係正宗皮薄餡靚 一小口既小籠包入面有滿滿既湯汁 配埋薑醋汁一流 一口鍋貼 鍋貼十分迷你 可以包到甘細粒 都好考功夫 但一小口剛剛好 皮唔會太厚 餡料都好足夠 雞絲粉皮 粉皮比平時食到既大塊 但醬汁比較深色 偏向花生醬味 撈比粉皮食好正 有d似加左大量花生醬既腸粉 雲腿津白 用雲腿煮過既湯汁 好香濃 應該係煮過一段時間令到津白都好入味 詠藜園擔擔麵（小辣） 份量都幾多 好夠花生味 係我鐘意食既擔擔麵 加埋少少辣 剛剛好 呢個價錢 性價比好高 值得一提既餐前小食 酸辣豆芽 好開胃