香港上環｜曾記粿品

每次去上環買海味一定會去食潮式粿，炒麵線，蠔餅，好少地方有得食 韭菜粿呢啲係必食

好好味既潮州粽，非常大粒，用料十足，味道真係好正，好似台灣粽既味道！！無奇怪既綠豆花生摻和，係討厭綠豆粽既一大福音！！ 味道非常正宗，用料好新鮮，啲米煙煙韌韌，亦非常入味！入面有好多粒大栗子🌰，非常綿密，同埋有幾舊五花腩，好入味之餘亦唔會乾柴，似足台灣粽入面既肉。亦有好多隻大蝦米，係大隻既果啲，海味十足，唔會死鹹亦唔會有腥味。冬菇浸得幾好，無奇怪既陳味，都幾軟熟唔會硬，整體完全不會油膩，味道好香同埋唔會鹹！唔洗點任何調味料已經好好味🤤 最特別係中間藏左一粒豆沙，超級綿密，仲綿密過月餅入面果啲或者日本料理果啲，同埋唔會好甜，呢樣嘢真係非常感動，搭配埋粽米食亦意外地好襯！！甜而不膩令粒粽多左好多口感同層次🥰 真係要買黎試下！！

煎蠔餅好味 順便買幾個粿返屋企