香港觀塘｜Kam Lung Cafe

好少去觀塘，見其實好多茶餐廳都唔平，晚餐平均成$60個，但經過朋友帶路原來都有例外。呢間金龍冰室聽朋友講以前係另一間，轉左後就好似不錯。朋友平時食早餐或下午茶都會黎呢度，而我亦第一次黎呢度食，見餐牌真係豐富多野揀，有少少食物選擇困難症既我都揀左好耐至諗到食乜。最後揀左個咖哩炸豬扒飯，其實味道係不錯，咖哩同埋扒都ok，亦夠大塊飯亦多。但塊豬扒炸得太油了，如果可以少d油就更加抵。一個晚餐不用$50連野飲，係同區黎講算係平。 28/2/2019 再去食今次揀左個咩奄列配魚柳搭芝士汁，實際就係一個芝士蛋魚柳飯。芝士汁算不錯，亦俾勁多，最後食晒飯都淨好多汁，而蛋其實ok好味，魚柳亦ok味道，不過同樣炸到好油，而價錢就$50個餐，魚柳要加$2，凍飲再加$2，以$54個芝士蛋魚柳飯又好似貴了少少。下次都係試佢d午餐，佢午餐即係晚餐，最平$43起。另外見有人食d鐵板餐亦好似幾大塊同吸引，有機會會再試試。