香港北角｜Fortress Kitchen

北角·四寶食堂 大推佢地嘅養生燉湯套餐 多數都係$88起 一個餐有齊燉湯+家常料理主食+白飯 仲可以以優惠價$28加購前菜+飲品😎😎 🌈養生燉湯套餐一: ✨拔絲山渣汁菠蘿咕嚕肉 真係做到作為Signature嘅質素🥰🥰 賣相吸引 有青椒/紅椒/洋蔥配搭 仲有新鮮菠蘿伴碟 好似架船仔咁插住枝旗仔 暫時係我食過最好食😋👍🏻👍🏻👍🏻👍🏻👍🏻 咕嚕肉用咗黑豚豬梅肉 肥瘦均勻 外脆內嫩 醬汁酸甜濃稠 咬落啖啖肉 做到拔絲效果 下次嚟食必定Encore🤤🤤🤤 ✨蒜泥白肉黑毛豬 唔好睇佢網裝喺個細碗仔 實情係好多片曡埋咗 都有成10幾廿片 腍嫩油潤肉味香 肉片夠薄 配埋鹹香蒜泥更加惹味 如果可以澇埋一齊先上碟會更好😌😉 ✨是日燉湯 今晚係沙蔘玉竹紅蘿蔔煲骨排湯 好飲冇味精 湯水清澈見底 超多湯料一齊煲 誠意十足 份量幾大碗 仲可以食埋啲湯渣 正👍🏻😊 ✨白飯 ✨西柚氣泡茶 天氣熱辣辣 飲完呢杯冰涼透心🧊 而且味道好啱我口味 微酸嘅西柚配上氣泡茶 清新又解渴消暑☺️ 🌈養生燉湯套餐二: ✨椒鹽豆腐金磚 炸得外脆內軟滑 切出嚟呈長條形 比一般餐廳大嚿💁🏻‍♀️ 每一啖都食到沾滿椒鹽嘅脆皮 配埋喼汁+沙律菜😉👍🏻 兩個人係咁食唔停口 係咁夾夾夾鬥快食咁 ✨藥膳雞腳 煮得好腍身 藥材味又香又夠濃郁 而且都唔少 有4-5隻雞腳👍🏻 但朋友表示如果可以提供返係熱食會更好 始終有藥材味 涷食怪怪地 但味道冇問題😂 ✨是日燉湯 ✨白飯 ✨柚子蜜茶 用返普通柚子蜜+茶底 正常發揮😌

🐓拔道腩水門雞 Order左半份都份量十足，無骨水門雞啖啖肉。雞皮爽滑，雖然連皮食好罪惡，但口感唔肥膩，雞每part都好嫩滑，連雞胸都係，仲有搭配醬汁非常惹味。 🌽北海道忌廉粟米真· 石斑塊 炸石斑魚塊同北海道忌廉醬汁分開，食到尾都唔怕炸魚淋哂。石斑魚塊肉質嫩滑，而且肉厚juicy，炸後非常鬆香，十分配襯忌廉粟米汁。 🌱九層塔豉椒炒蟶子 蟶子炒得剛剛熟，粒粒都脹卜卜好鮮甜。特別喜歡九層塔豉椒汁，加咗九層塔原來比起普通豉椒炒香好多，連蟶子都有淡淡九層塔香味，勁惹味又送飯。 🐮招牌瑞士汁炒牛河 非常非常之足料嘅炒牛河，牛肉大塊又夠厚，食落唔會有發肉粉味。瑞士汁鹹味甜味都好balance，食得出係瑞士汁而唔係普通乾炒牛河。最重要係食到底唔會有好多油沉底。炒河因為用瑞士汁就相對無咁乾身，但依然鑊氣十足。 🍚大阪黑蒜醬油鰻魚炒飯 一放低已經有好香嘅黑蒜醬油味，而且同樣足料，啖啖有鰻魚，不過整體感覺較肥膩，炒飯唔係偏乾身嘅那種，不過真係幾好味，飽都食左兩碗。 🥣養生燉湯 非常足料嘅燉湯，有好多蟲草花，而且燉湯好清，無肥油，無味精。 😈邪惡鹹蛋黃流心奶黃西多士 同屋企人share一份就無咁邪惡🙈多士沾上滿滿蛋漿，外層鬆脆有蛋味。除咗鹹蛋黃嘅鹹香仲食到有奶黃椰絲。西多無炸到over左，所以中間嘅麵包仍然非常鬆軟。 🥧 經典蘑菇雞批 上次食雞批應該係我細細個嘅時候，而家越來越少鋪頭做，今次都食返細個嘅味道。外皮少少甜好鬆脆，入面有甜甜鹹鹹嘅雞粒。 阿華田雪山 邪惡版凍華田，加甜香忌廉。

也有十年沒吃乾炒牛河， 近一千卡的熱量自問應接不下， 那天有人分甘同味就小放肆一下， 招牌炒河的牛肉片沾上瑞士汁， 一大片深咖啡色，重口味無誤。 相反板燒薄牛扒，有沙律on side， 減低油膩感，燈黃色的炒蛋蛋香味濃。 XO醬蝦球滑蛋飯同樣亦係蛋漿出色， 這版本入口多了份蔥香，配甜醬油一流！ 提外話，餐廳週末得熱鬧， 感覺的店員都在忙個不停， 但服務態度仍保持親切友善， 值得一讚！