香港Lok Fu｜KFC

好耐冇食過KFC，今日同老公係樂富一齊食晏，經過見到KFC有個幾抵食嘅餐，所以就行咗入去。諗返起上一次嚟這間KFC食嘢，已經係成年前嘅事😅 午餐時間人流都幾多，不過由排隊至買咗個餐坐低食都唔算太耐，亦唔覺好擠擁，座位與座位之間唔會太近，裝修簡單整潔，不似快餐店的格局，反而有啲似西餐廳。 我們叫咗兩個餐： A4黃金盛盒$39.9 1件牛油粟米黃金雞 1客格格脆薯塊 1客大磨菇飯 1件葡撻 1杯百事可樂 3件雞餐$39 3件原味雞（老公唔食辣） 1杯百事可樂 相比起兩個餐，黃金盛盒真係勁抵食，有四款唔同嘅嘢食，加杯可樂，粟米黃金雞🍗更加有香濃嘅牛油粟米味🌽，好特別亦都好好食，雞、薯格都熱辣辣、脆卜卜，蘑菇飯大大盒，仲有甜品葡撻，好豐富👍 兩個人食兩個餐都食到捧住個肚😁正呀！

地點就腳，食到好飽😋

係附近住經過見到呢間KFC地方大，有獨立架座，夠晒私隱😍，拉埋2個仔黎食。終於試到新野<牛油粟米黃金雞>， 超好味👅食到停唔到口，套餐仲有我至愛葡撻。最後叫埋牛乳雪糕，好滿足☺。臨走見到原來39蚊黃金盛盒套餐都食到<牛油粟米黃金雞>，下次一個人都可以黎食啦✌🏻。