香港長沙灣｜Gwing Kee Restaurant

炯記餐室．探店特搜：必食鵝油麵 朋友話長沙灣開左好多餐廳 令當區工作的人都有口福 水準提高了不少 有見及此 本小姐親身探店 今次到左元州商場 一試區內大熱炯記餐室 店內光猛格局寬敞 此店的名物不少 其中以鵝油麵同手撕雞為首 見不少街坊湧入 看來出品應該不俗 這裡的二人滿足套餐 可說經濟實惠 HKD198包好多菜式 有齊想試的鵝油麵同手撕雞 仲包冷熱飲品2杯 一於點呢個套餐看看 酸辣蒜香雲耳 麻辣、蒜香充足，香口開胃，是不錯的前菜 清湯牛魔王 滷水入味，牛肉彈口，香濃之選 燘出了食物的香氣與火候 牛肚仍是爽口彈牙 係好下飯的菜式 麻辣雞腎 鮮香爽口微辣 簡直令人食到停不下來 沒有滷太耐的硬感 卻有足夠的調味 水準唔錯 鹽焗手撕雞 2個人的份量剛剛好 雞肉保持嫩滑 味道夠麻香 雞皮更滑捋捋 好好食 難怪吸引咁多客人 鵝油生菜 菜是鮮美的 唔油膩卻很有油香 配上麵條與牛魔王一起吃 又平衡得很可以 太子鵝油撈麵 拿，用呢種粗麵來撈就最正啦 麵質彈牙，吸汁力特強 盡吸鵝油精華 每一口都是鵝香美味 飲碗老火例湯 是夜為青紅蘿蔔湯 湯底夠甜 好飲又夠潤 炯記餐室 長沙灣元州街303號 元州商場地下G07號舖

凍凍地唔想煮， 買咗炯記燒味返屋企 平時見炯記堂食都幾多人， 情況許可嘅，我寧願買返屋企慢慢嘆 門口嘅餐牌有唔同配搭，星期一至日仲有唔同特價組合。用左幾秒鍾思考後，睇落佢個優惠組合幾抵食， 仲可以有腩仔/腩叉同唔同嘅雞選擇 優惠組合B, $108 有半斤燒腩仔， 皮脆香口。 腩仔肉既底唔會腌得太鹹， 成舊食都無問題。 而腩仔就肥瘦相間， 輕輕叮熱就好好食。 其他燒味店通常得2 包黃芥辣， 佢畀咗3包我，正！ 另外有半隻油雞， 雞唔會好肥。鼓油調味唔錯， 皮入味，雞肉肉質嫩滑，唔錯 之前堂食試過鵝油撈麵同手撕雞都好正， 下次外賣可以試下質素係咪都keep到堂食水準

海哲手撕雞(麻辣)腸粉 手撕雞可以揀鹽焗或麻辣，今次揀左嘅麻辣麻味較重帶微酸，唔會太辣，食落好開胃，個味道同海哲好夾！而海哲又為成道菜式增加左口感，腸粉正常發揮唔會太糊口，整體好唔錯！ 銷魂腩叉 腩叉嘅部位好靚，叉燒入口即化，叫得腩叉會預左肥肉較多，不過呢個脂肪quota 係值得俾！ 牛魔王鵝油撈麵 加蝦籽 牛魔王即係指牛腩同牛肚，想比之下就較為乾身少少，而鵝油嘅味道唔算突出，好似正常豉油王撈麵咁！ 醬皇冬菇扒生菜 呢個生菜係套餐加配($16)，但味道好有驚喜！冬菇仔非常入味，醬皇底同生菜好夾！一定要試下！ 飲品方面比其他餐室會多啲選擇，今次揀左: 番石榴四季春烏龍茶 好清甜，茶味都幾出幾清新，好啱配住濃味食物嚟飲！ 黑糖紅豆奶茶 紅豆幾綿蜜，奶茶味道有少少被黑糖蓋過，不過整體都幾好飲 餐室嘅裝修佈局唔似一般茶餐廳，呢度比較闊落，空間感較重燈光柔和，似cafe多過似餐室！而店員亦都好有禮貌，幫手改單（將單點改為加配)非常殷勤，食物質素同性價比都高，成個用餐體驗良好，好大機會會再嚟！