香港藍田｜肯德基 (啟田商場店)

位置一流，係正藍田地鐵站隔離個商場。店舖環境乾淨企理，認真唔錯！ 香辣炸雞保持一貫水準，外脆內嫩，加埋至愛葡撻，正👍

週末大把時間最啱食番嗰Tea，知道KFC有超抵食嘅下午茶餐，今日就同屋企人黎食番次。呢度座位夠曬多，店內外都有，加加埋埋超過50個位，一定唔怕無位坐。呢度有自助熱水供應，店員都係啲後生仔女，夠曬活力。今日我地就點左一個S3茶餐（$23），包薯蓉、葡撻、雞下髀一隻，可以揀燒雞又可以揀炸雞。另外一個A10茶餐（$27），就有家鄉脆雞扒細桶飯，一樣包葡撻。飲品我地就點左熱奶茶同熱咖啡。真係超抵！熱辣辣，超有雞味，份量又唔細，好滿足。咖啡奶茶亦夠香濃。

今日去左藍田啟田KFC ,唔去唔知原來新裝修左，裝修後坐位多左，坐都闊落左。仲多左2部自動點餐機真方便！好快就買完野食喇～食左個茶餐滋味盒好抵食，$23 咋！蜂蜜雞亦好夠蜜糖味～而葡撻都熱辣辣！最好味依然係蘑菇飯！做下午茶真係又飽又抵食😍