香港西營盤｜Burger Joys (Sai Ying Pun)

自從老麥同老鄉雞偷工減料又貴又唔好食質素每況愈下拒絕幫襯之後，已經好少食漢堡飽同薯條. 雖然以前已經唔多幫襯! 今晚女友小熊出差上環，就約我落去西環嘅 Burger Joys 開餐. 係灣仔幫襯過一次質素滿意，所以今次嚟西環分店好放心幫襯. 今次點芝士味薯條同蒜香味薯條，芝士漢堡同魚柳包. 魚柳包係足一塊芝士，老麥嘅魚柳包得半塊芝士咋! 而枱上嘅魚柳包魚柳炸得啱啱好外層香脆內裡有肉汁 Juicy，沙律汁夠多，咬落去好複雜，又有麵包軟綿又有生菜洋蔥脆口又有沙津汁帶少少酸. 芝士漢堡塊牛肉漢堡夠厚足料，牛肉 Juicy 再加上惹味芝士一同入口，滿足! 薯條分量足，食薯條已經飽肚一半，最特別係蒜香薯條，感覺蒜蓉係生蒜泥，一上枱蒜味已經撲鼻而來，再加上兩個足料份量大嘅漢堡包，晚飯都唔洗食. 蒜香雞翼亦都係足料之作，用嘅係D比較大隻嘅雞翼，唔似D什麼老鄉雞用D瘦雞雞翼，甜中帶酸又有輕微辣味，夾自己唔食辣口味. 原本想點洋蔥圈，但係兩個包實在太足料，再加埋薯條，已經頂肚，唯有下次再叫洋蔥圈!

最近唔知點解突然間好想食漢堡，前排喺網上見到一間都幾出名嘅漢堡專門店。咁嘅話就自然吸引到我呢啲鍾意食漢堡嘅人啦，今次就同大家介紹吓位於西環嘅Burger Joys啦。 首先其實餐廳嘅選址都算係幾方便，基本上搭地鐵出到嚟行1分鐘都唔使就到。同埋餐廳唔係起喺啲大街大巷嘅位，所以都唔會話好嘈。 之後就講吓我嗰日食咗咩漢堡啦，首先要介紹嘅第一個漢堡就係芝士牛肉漢堡，見到Menu話呢一個係Hot Pick，所以都吸引到我試吓到底個質素係點。結果最後都冇令我失望，漢堡包整得好鬆軟，同埋牛肉嘅調味料都啱啱好。另外牛肉嘅口感同樣做得好好，咬落會有啲彈口但係唔會有筋！再加上餐廳嘅漢堡包裝，食起上嚟都唔會話好狼狽。我嗰日仲要加埋套餐，飲住啤酒食住薯條都幾過癮㗎！而我朋友嗰日就叫咗魚柳漢堡，我自己覺得魚柳漢堡個賣相睇落同樣咁澎湃。個漢堡同樣做得出色，我最欣賞嘅地方就係佢塊魚柳啦，佢塊魚柳係新鮮滾熱辣咁樣夾喺塊包度㗎，所以真係特別香口。同埋識落嘅魚肉唔鬆散，睇得出係新鮮嘅魚柳嚟嘅。另外包入邊夾住嘅洋蔥都令我好深刻，魚柳鬆脆嘅口感配上爽口嘅洋蔥，呢種口感上嘅衝擊真係好少漢堡比到我。同埋生洋蔥都有少少辣，所以都令到成個漢堡變得更加惹味。以漢堡嚟講，我覺得呢間餐廳嘅質素都好高！ 如果你本身都好鍾意食漢堡嘅，咁你一定要記得呢一間餐廳呀。真係絕對唔會令你失望。

位於較低調的後巷，不留意可能也會𝗠𝗶𝘀𝘀過。雖則地點不在大街，但網上好評也不少。小店簡單裝修，牆上掛有食客照片，倍感溫馨。𝗕𝘂𝗿𝗴𝗲𝗿即叫即製，半𝗢𝗽𝗲𝗻 𝗞𝗶𝘁𝗰𝗵𝗲𝗻能窺探到師傅熟練的手勢，不到𝟭𝟱𝗺𝗶𝗻𝘀新鮮𝗕𝘂𝗿𝗴𝗲𝗿就陸續上桌，香氣噗鼻。 芝士牛肉漢堡 𝗖𝗵𝗲𝗲𝘀𝗲𝗯𝘂𝗿𝗴𝗲𝗿 採用𝗨𝗦𝗗𝗔 𝗖𝗵𝗼𝗶𝗰𝗲美國特選牛肉，牛味濃郁𝗝𝘂𝗶𝗰𝘆，火候夠，有陣陣焦香味。麵包厚身有烘過，質感鬆軟帶微脆，加上半溶芝士、新鮮生菜、紫洋蔥、蕃茄等配料，口感豐富，整體出色美味。 魚柳漢堡 𝗙𝗶𝘀𝗵 𝗕𝘂𝗿𝗴𝗲𝗿 魚柳皮薄香脆，魚肉雪白厚身啖啖肉。其他配料同樣有半溶芝士、生菜、紫洋蔥、蕃茄和沙律醬，這個相比𝗖𝗵𝗲𝗲𝘀𝗲𝗯𝘂𝗿𝗴𝗲𝗿味道較𝗟𝗶𝗴𝗵𝘁和清新，適合不嗜牛和不好超濃味的客人。 蒜香雞翼 𝗖𝗿𝗶𝘀𝗽𝘆 𝗚𝗮𝗿𝗹𝗶𝗰 𝗪𝗶𝗻𝗴𝘀 中𝗦𝗶𝘇𝗲的雞中翼，每隻都炸得香脆有肉汁。配上泰式甜酸醬、蒜蓉及炸蒜粒，惹味又邪惡。 店內還有一個𝗕𝗼𝗼𝗸𝘀 𝗖𝗼𝗿𝗻𝗲𝗿，鼓勵客人𝗕𝗿𝗶𝗻𝗴 𝗼𝗻𝗲❟ 𝘁𝗮𝗸𝗲 𝗼𝗻𝗲，帶舊書到店交換，十分欣賞這類漂書活動，跟這區的文青風格很搭也很環保！