香港銅鑼灣｜新唐記快餐店

唔好睇佢開車房隔離 又無冷氣又半路天 (落雨會有少少漏水) 都無阻我哋長期嚟呢度食lunch 十一二點會比較多人嚟食 一點後會輕鬆啲 有時隔離車房要tun車 你又坐邊邊的話 你要轉一下枱 架車會喺你隔離經過 第一次去可能會嚇親 全場大部分都係男仕 呢度嘅份量，最滿足到佢哋 大大碟 對得住價錢有餘 呢度有幾碟飯想介紹俾大家 🎃紅酒會牛脷飯 呢一個飯唔係成日都有 要碰運氣先可以遇到佢 但係呢度嘅牛脷有別於出面嘅茶餐廳 師傅切到一條條 仲好厚 咬落好有口感 唔會好薄 亦都係稔身 多到對於一個女仔來講會食唔晒 🎃鹹蛋肉餅蒸飯 呢個飯一星期都會出現幾次 肉餅唔係賣厚身 但都唔做得馬虎 唔會俾哂啲肥肉你 亦都唔會話好鹹 久唔久都會掛住佢

Show me your love 大碟夾好食

午餐$50，主菜外也有湯有餐飲，便宜！