香港中環｜Swiss Cafe

中環大街好多人 一轉到直街路仔，就另一個世界 價錢😂都係另一個世界 呢到早餐時間夠長，去到中午12點 三十幾蚊有個早餐😎👍🏻 叫左一個「經典早餐」、一個「極品早餐」 埋單兩個人先八十幾，但飽到食唔晒😂 坦白咁講三四十蚊貨仔 真係無得要求咁多， 個火腿通粉同沙嗲牛麵又真係幾正喎 菠蘿油～ 當然個菠蘿皮厚啲再脆啲，就一定更加好

「拎冧六、長衫六；高腳七，呢個大頭六。」 可能你會覺得我好x老土，但係得呢個地方出世， 我覺得就有一份責任。我地每一日講緊既語言， 就係我地既價值之一。試問有咩刁鑽得過廣東話？ 世界上最難學既語言一定係廣東話，每一隻字既 背後意義博大精深，如果我地連廣東話都捍衛唔到， 連最後一份本土文化都被埋沒，咁仲講咩獅子山 精神呀？就好似老字號小店買少見少，就係怕佢 有息微既一日，我好怕失去呢種童年回憶。 所以我堅持每個禮拜都會去探訪一下經典冰室， 好似中環呢間「瑞士咖啡室」，就係我必定 要尋找既味道！👇 - 📌瑞士 · 常餐 - $55 ▪ 瑞士雞翼出前一丁 - (+4) ▪ 火腿奄列 - ▪ 牛油多士 - ▪ 龍鳳檸七 - (+3) ▫ 一定要嗌既招牌瑞士常餐，車！你會認為 咪又係普通野，咁諗就錯啦，就係呢幾個常餐 養大我。正所謂愈簡單既野愈難整得好食， 不過今次幾有驚喜，瑞士雞翼係四隻中翼， 味道鹹中帶甜，食到豐富既豉油味，夠哂濃郁 入味；加上4蚊雞轉左出前一丁，麵條煮得 夠彈牙爽口；而火腿奄列唔會煎到散哂， 個蛋包得好靚仔，拆開裡面每條火腿絲都 均勻受熱，蛋包入口軟綿，夠火候，唔錯； 牛油多士烘得好完美，加上牛油脆卜卜， 口感經典；最後嘆返杯凍檸七， 鹹鹹酸酸，好醒胃！ - 📌茶 · 餐 C - $47 ▪ 五香肉丁出前一丁 (+4) ▪ 火腿雙蛋 - ▪ 牛油多士 - ▪ 樽仔鮮奶 - (+4) ▫ 整多份茶餐先夠喉咖麻，肉丁份量夠多， 食極都仲有，餐廳認真闊佬。而味道唔算太辣， 我覺得唔錯，肉質偏向瘦身少少，帶少少煙韌， 幾有口感；火腿雙蛋煎得夠嫩滑，唔會油淋淋； 麵條煮得一樣啦，恰到好處，唔會有粉口； 多士烘得岩哂我胃口，非常靚仔， 擺耐左都唔會變淋；試埋好耐無飲既 樽仔鮮奶，夠新鮮，入口香滑零重量， 呢個餐認真食得過！ - 📌食 · 品 - ▪ 咖央西多士 - $29 ▫ 呢個西多士既中間填滿層香濃既咖央醬， 而外層炸得金黃鬆軟，配搭牛油同糖漿， 真係食極都唔厭呀！ - 📍 瑞士咖啡室 - Swiss Cafe 🎈中環利源西街12號地下

我到冰室的時間係早上10點，冇乜客人，比較平靜。至於繁忙時段，我不敢評論。