香港中環｜越僑快餐店 Vietnam Fast Food

今日我做完野咁岩小魚做完Facial 咁我哋就一齊係中環搵野食 因為我地大家都攰了 所以諗住搵間地點方便又可以快食既晚餐 咁我就帶左小魚去食越橋 越僑位於中環街市隔離既一條小巷入面 係鐵行里既深深處 夜晚既越橋可以話係小巷入面漆黑中既螢火蟲 我地今次去到條巷係得佢門口開住燈 我之前食過越橋既午餐一次 都覺得值得帶更多人黎食 因為餐廳既野食係中環黎講算平之外 野食仲要好好食 性價比高 同香港既越南菜比較份量都算比較多 我地坐低既時候 聽到隔離枱關心老細最近有無多左生意 而老闆就話自己上鏡好肥 繼續聽先知原來餐廳最近上左MM既美味道來 咁小花就比較八卦所以返屋企搵左段片睇 MM都係搵左幾間係中環既平價餐廳推介 有興趣既朋友可以係以下連結睇返 咁我地今次叫左烤豬頸肉凍檬 北越蒸粉卷 蒜香牛油雞翼 由於天氣開始熱 我就比較想食凍檬 因為落埋魚露撈埋一齊食酸酸甜甜勁開胃 而小魚就好鐘意個烤豬頸肉 小魚食一啖已經大讚 豬頸肉唔算太乾身 同埋豬頸肉既份量鋪滿左半個碗 而我自己就比較鐘意泰式燒豬頸肉 而呢到既北越蒸粉卷就包到一個波波咁 其他越南菜既蒸粉卷普遍都係一條條 餐廳應該係想比人一口食一粒 不過我同小魚個口都係唔夠大 要分開兩至三啖食 而想讚下個蒸粉卷個皮勁薄 薄到輕輕夾都可能爆晒啲餡出黎 而重頭戲絕對係蒜香牛油雞翼 呢到雞翼既炸粉係比較厚 本身見到都有少少失望 不過直到我咬左一啖 就完全360度改觀了 牛油既甜味 加上蒜粒既香口 完全滲透厚厚的炸粉皮 令到隻雞翼勁好食 佢入面既肉仲要係好嫩滑 好食到連伴菜既紅蘿蔔絲都清晒 人均消費: HKD60 值得一讚 係我地叫完野食 老闆娘就勁醒目 拎左杯熱水同兩個碗比我地洗餐具同分食物 勁細心呀 要留意一點 餐廳嘅湯粉個湯底係用牛骨煲嘅 如果唔食牛嘅朋友就要小心嗌啦

性價比超高，仲要好有禮貌。食物好惹味

Great Vietnam Restaurant. Should go Fair price, nice staff, nice food, good service. Support 良知，良心小店，中上環之選。