香港中環｜Lanala

好不容易捱到星期五 要犒賞下自己一星期嘅努力 決定食個甜品再返屋企！ 搵左一搵openrice就去左Lanala食cake 餐廳左邊係甜品櫃 右邊一排梳化 全部都係軟乎乎der 配上幾個馬卡龍cushion 感覺溫柔 甜品櫃內放滿蛋糕 仲有signature日本蜜瓜希臘乳酪芝士蛋糕 超Kawaii! 款款都好靚 令人心大心細 每一款都好想試呀！ 最後我揀左白桃玫瑰希臘乳酪芝士蛋糕 配椰香開心果 OMG！ 完全係相逢恨晚嘅感覺！ 點解有咁好食嘅蛋糕喺公司附近 但我完全係無發現🥲 椰香開心果 呢杯真係真心推薦！ 好濃郁好濃郁嘅開心果味 有個感覺係開心果奶咁 但因為底下係配椰青水 所以比開心果奶又無咁膩 一整個濃厚又清爽 好好好好味！ 我絕對會為椰香開心果再黎Lanala！ 白桃玫瑰希臘乳酪芝士蛋糕 個希臘乳酪香到無朋友！ 入口係輕柔嘅 比普通芝士蛋糕微微多左乳酪嘅酸味 所以剛好balance左芝士嘅膩 好好味！ 唔好以為白桃味只係留喺面層啫喱上 而其實喺芝士乳酪層同樣有白桃肉👍 又香又甜 最底下仲淋上左蜜糖 甜蜜醉人 侍應介紹用希臘乳酪代替牛奶整嘅芝士蛋糕 奶味會更濃郁 而且成品嘅鈣質比普通牛奶製亦更高 為我嘅身體健康 似乎我要黎食多啲！ 下次希望再試牛油果風味嘅乳酪芝士蛋糕 諗起都開心！🤭🤭🤭

Mini Strawberry Greek Yogurt Cheesecake $68 Sea Salt Cheese Croffle $58 Mint Mojito Coffee $78 Salted Milk Foam Pineapple $68 中環行過見到呢間少女風嘅cafe，內𥚃裝修以粉紅色為主調，見到有happy hour 第二杯飲品半價，一於試下先！ 呢度嘅希臘乳酪蛋糕好有驚喜，食落好refreshing，用上左真材實料嘅士多啤梨同Greek yogurt 製成，好輕盈好清新，啱晒我呢啲又口痕但又想keep fit嘅少女:0)) 海鹽奶蓋芝士croffle都好特別，croffle 即係croissant x waffle，即叫即製，咬落酥脆 🧇 飲品方面都幾特別，Mint Mojito Coffee 薄荷味夠晒清涼，而海鹽奶蓋鳳梨茶都好refreshing，呢排咁熱真係解暑一流💖

想食甜品又怕肥☺️介紹大家一間叫「Lanala」🍰 佢哋主打希臘乳酪蛋糕☺️好味之餘仲健康好多添☺️ 我同Fd子就order左一個Tiramisu😚佢咖啡味好濃郁，而蛋糕部分就好濕潤😌甜度亦都岩岩好😌 頂部除左撒上一層可可粉之外，仲有粒好好味嘅朱古力🍫非常吸引 另外哩間餐廳仲提供咗輕食 Tea Set 😗 我地就order 左個 Mini All Day Breakfast ，個bagel好鬆軟同埋炒蛋好香好滑😗 哩度嘅咖啡都好好飲，fd子叫左杯cappuccino 同Tiramisu好夾，都係濃濃嘅咖啡味，飲落好順滑😌 而我叫咗杯Pistachio Milk Foam Cocomut Water ，開心果味非常濃郁，非常值得推介😉