香港九龍城｜Chai Rung Thai Food

做完spa 肚饿食 呢間，有驚喜！冬陰功唔算太辣👍香草酸辣開胃；炸恐龍蛋有特色！ 串燒配酸辣汁沙嗲汁也好味😋 最出色就係佢個烤餅好趣 店舖內很多也是泰國顧客 自己人都食應該唔會太港式泰菜

圍住九龍城行上導遊續証課 黎到九龍城冇理由唔食泰餐 由寨城公園行到南角道 見到呢間餐廳冇人 門口放咗個午餐menu 好抵食，諗住一試冇妨 其實好想食泰式肉碎白飯加隻荷包蛋 （因為之前葵涌和宜合道打磚坪街交界有間泰式餐廳，炒得勁好味，真係泰國師傅炒，之後去到其他泰餐館都食唔到嗰種鑊氣及味道🥹就算有次響曼谷吃…居然泰國道地肉碎飯係咁唔好食？應該中咗伏😂） 響肉碎炒飯同炒河之間嘅掙扎下 選擇咗河粉 超正！有鑊氣！真係好味！ 如果住喺附近，呢度會變咗飯堂🤣 $50一個餐包杯野飲，好多選擇 要左杯酸梅汁，味道好似利賓立😆 呢杯汁平時響menu $20-$30，而家包埋響餐入面先$50，真係好抵 好想快啲再去試其他嘢😋😋😋

具泰國地道風味，平實簡單的裝修設置。燒烤特別惹味，外賣特別多。堂食雖設最低消費，但我每次堂食都不能「住口」，好味。