香港石硤尾｜No Milkshake No Life- Morning Queue

用餐體驗近乎完美，Grilled Cheese 好食，價錢抵，裝修靚好有feel，星期二啤酒買一送一！座位空間足夠，可惜張凳唔太好坐。

Bookmark咗呢間餐廳好耐一直冇機會去試，主因係呢度唔做晚市(收6點)，唯有襯週末週日至去得，尋日終於係時候喇。 呢度地方唔算好大，可以坐到30幾人左右。樓底高，空間感唔錯但坐得密密麻麻，枱櫈同佈局好似去咗美國加拿大嗰啲官中飯堂食飯咁😂。主打北美式漢堡包，芝士薯條，各類雪糕，奶昔同甜品，套路同旺角嘅 Graceland 都幾接近，係口味濃郁嘅美式嘅comfort food。我食咗以下呢兩樣食嚟試吓佢地嘅功力係點： 無敵美式班㦸漢堡 (Signature Pancake Burger) - 用pancake堆砌出嘅嘅“漢堡包”大大份上枱，講真其實係美式嘅All Day Breakfast：兩塊太陽蛋，兩件pancakes，四條煙肉，同一塊大蘑菇。 - 兩塊太陽蛋都係脆邊兼流心黃，正！😋 - 兩塊pancakes好fluffy，有蛋糕嘅鬆軟感，本身已有少少甜味，而佢地個自家糖漿雖然唔係maple syrup，但食到佢無一般糖漿咁甜同杰，明顯係有調校過，配pancake一流，讚！😋😋👍👍 - 四條煙肉條條都係cooked to perfection，完全冇燶嘅情況出現。見到每條煙肉嘅脂肪好少，材料明顯係好嘅selection，我鐘意。😋😋👍 - 一大片蘑菇淋而爽口，同呢個“burger”/早餐係一流配搭。😋 呢個“burger”雖然唔可以用手食，但每一款食材都煮得出色，絕對比得上甚至係好食過出面啲所謂All Day Breakfast。無嗌錯。🙂😋👍👍 青檸批奶昔 (Key Lime Pie Milkshake) - 呢個喺呢期menu裡面冇嘅奶昔，喺佢地counter頭頂嘅display仍然見到，所以係有得order。中至大杯size，望落夠濃夠杰；口感十成十係溶解咗嘅美式青擰批 - 青檸，custard，批皮，whipped cream - 完全可以喺每一啖都感受到；個奶昔本身已經係好濃滑，再加埋個青檸批喺入面實在好豐富，好滿足，絕讚。😋😋👍👍 總括嚟講，呢度嘅美式comfort food味道好，質素高，份量十足，拍得佢旺角嘅Graceland。加上服務好，氣氛係energetic，性價比相當高，值得有好多個下一次。🙂😋👍

前一頓吃太飽了 所以沒有點鹹鬆餅有點可惜 甜鬆餅滿普通的 但是奶昔很好喝 熱量炸彈🤣