香港深水埗｜金和記海鮮菜館

[第一次炭爐打邊爐]🔥 约咗倆位好姊妹gathering😂佢地帶我食好野😋31°C高温去見識炭爐打邊爐,入到食店唔算大地方，裡面9枱客咗右，我地已經坐近門口，都通風通爽，開始都覺得夠冷氣，但一坐滿客，就覺得好熱🤣越食越熱🥵所以店員都即刻比把風扇仔我地👍不過呢度值得讚係食物好新鮮，大部份都好好味，所以我都要介绍吓😄 湯底🫕節瓜瑤柱螺頭鍋 所有都好足料，湯底味道鲜甜 海鲜類🦪🦑早一日店員會whatsapp叫客人留定海鮮，所以我地留了🤤 蘇格蘭蟶子皇(6隻) 每隻都好新鮮好肥厚 南非孔雀鮑魚(3隻) 呢隻南非飽就算放得耐都唔會過硬，我地放過龍時間都仲好彈牙爽口👍 桂花蚌 每條都好新鮮，熟咗都唔會太過縮細 棉花魚肚 😋熟咗夾落唔會散哂，原條都好厚，食落感覺軟棉棉好滑好鮮 🦬手切牛肉一定要試🥩好鮮又唔會切得太薄 🐟脆肉鯇魚 呢個真心好得👍全部都好爽脆 好姊妹話係出面未曾食過全碟嚿嚿都脆，呢度就係成碟都好爽脆 🍢🍡四寶丸(大) 我平時好少食丸，呢個丸我食咗好多，因為味道真係好鮮好彈牙 大家都掛住食🤣有啲都冇影到 雖然真係好熱🥵但食物真係好新鮮🤤下次秋凉會再來幫襯 (我地埋單先知全單再9折) 呢度價錢唔算貴，連埋其它菜，飲品，茶芥，埋單都係1000蚊左右👍 📌呢度記得要預早book，walkin一定冇位 另外係收現金💰

炭爐邊爐特別好食，食物新鮮，上菜效率不錯。

炭爐打邊爐而家好難搵，呢間深水埗金和記難得有用心做。路過嘅街坊都稱讚佢地炭爐用靚炭，唔會攻到周圍都係煙，打完邊爐d 衫褲都冇異味。伙記又好好招呼！抵讚！ 食物就要讚下手打黑椒牛筋丸好好食！不過手切肥牛嚟到就要快食，放了一陣d 顏色已經瘀瘀地。