香港長沙灣｜COSY

繼續長沙灣越南美食之旅！早前Google長沙灣區發現呢頭有唔少越南餐館，呢間亦係其中之一。食過出色嘅兄妹同充滿舊街坊情懷嘅新記之後，係時候嚟呢間試吓喇。 呢度對面就係蘇屋邨。小店一間，坐到20人。佈置好有現代感，vibe係好relaxing，播著柔和嘅音樂一路食飯飲嘢一路望住街景，非常之chill out，我鍾意。🙂😍賣嘅除咗熟悉嘅越式食品外，亦有泰式船河同印尼嘅巴東牛肉供應。我就一於試吓佢地嘅signature dishes，睇吓佢哋得唔得： 上等手切牛柳湯粉 - 湯底鮮甜，質感比隔幾條街嘅兄妹重得多，近乎旺角南越南嘅高質素，好味！😋生牛柳片份量豐富，好淋好嫩滑，即使係浸咗好耐湯都仲咁軟滑，好明顯用料上乘，讚！😍😋個河粉幼滑得嚟，唔會好似兄妹嗰啲咁散修修，好！🙂佐料嘅洋蔥片同芽菜好精緻咁用另一隻碟上，令個粉好豐富又好味，質素拍得住旺角嘅越發，冇嗌錯。😋😋👍👍 小食拼盤 - 有齊以下嘅食品，每款兩件： 網春卷 - 炸得好酥脆，木耳豬肉餡正常發揮，好味！😋😋 蒜香牛油雞翼 - 大大件雞翼，蒜蓉味同牛油香十足，雞肉滑嫩入味，好食夾大件，非常出色。😍😋😋👍👍👍 香脆蝦餅 - 外皮炸得幾酥脆，裡面啖啖蝦蓉餡，唔錯。🙂😋 香煎魚餅 - 煎得好香，泰式香料充滿著魚蓉餡，實淨有咬口，好好味。😋😋👍 呢個拼盤冇一樣嘢係唔好食，同人share或自己食都咁正。😋😋👍👍 柚子青擰香茅梳打 - 配料份量十足。香茅切咗幼，好有趙口；薄荷同青檸好清新，柚子蜜中和香料啱啱好，夏天清涼之選。🙂😋👍 總括嚟講，呢度越式食品水準優秀，某程度上拍得住南越南同越發。加上價錢唔貴，氣氛relax，性價比相當高。呢度同兄妹一樣，都係長沙灣區好味越菜嘅不二之選。🙂😋👍

係香港食到好食既越南野好多時都要付出較貴既價值,今日經過長沙灣估唔到誤打誤撞去左間價錢最接近越南價既餐廳而且仲好正😍 生牛肉金邊粉 hkd$40 🤘🏻有齊芽菜,香葉,青檸同洋蔥做配料湯底香牛骨味得黎唔濁飲完都唔會口乾,金邊粉十分足料麵質彈牙又滑. 生牛肉呈半生熟用底場浸熟後湯底加重左陣牛脂香味,肉質彈牙食落唔會靭. 燒牛肉撈檬 hkd$40 🤘🏻大家唔好好似我咁一開頭望落以為燒牛肉會好乾,其實食落一d都唔乾之餘仲好易咬開,好欣賞牛肉醃得夠食落好香沙嗲味. 撈檬加上青瓜紅蘿蔔絲同炸蒜花生粒食落好清新爽脆,撈檬魚露汁又唔會太咸. 小食拼盤 hkd$42 🤘🏻以$42呢個價錢呢份小食拼盤既質素真係無得輸.牛油雞翼炸得好鬆脆咬落脆卜卜而且內裏雞翼既肉好厚身而且內裏雞翼無雪藏味得黎仲好香醃得好夠味.越式春卷網絲更脆唔油膩,內餡帶芋頭香. 札肉米紙卷 hkd$28 🤘🏻米紙卷皮薄帶點煙靭感內裏清新爽脆,沾上少少魚露已經好夠味. 越南滴漏咖啡 hkd$ 18 🤘🏻越南出名滴漏咖啡,咖啡飲落甘香帶好香烘焙味而且飲落唔會酸,加上煉奶飲落更香滑濃郁,望住佢慢慢滴漏感覺好治癒.

蘇屋邨附近新開左間主打特色越南/ 泰國菜餐廳COSY, 成個menu都係街坊價大部分只係50蚊樓下好抵食. > 泰式船河 (HKD45) 湯底味道鮮味, 大碗過喺泰國食嘅船麵好多(人地係一碗一啖), 牛丸同牛肉夠, 河粉完全唔油而且份量算多, li個價錢已包飲品架勁抵食!!好過自己煮. > 香茅豬扒撈檬 (HKD42) 我地無睇錯吧! 碟撈檬會唔會咁大碟？超大把炸蒜, 蘿蔔, 青瓜絲, 九層塔, 自己按喜好加入魚露後撈匀, 非常開胃, 厚郁的香茅豬扒煎得好脆, 每一口都超鬆軟, 個人認為係必食之選👍🏻. > 扎肉米紙卷兩件 (+HKD10) 咁大件米紙卷一啖係食唔哂嘅, 沾了點水嘅越南米紙包住撈檬嘅主角加埋西生菜同扎肉, 點魚露食加多份juicy同味道. 最啱一人一件開心Share! > 熱檸水 店家使用大size熱杯, 實唔會唔夠喉. > 可樂 Amazing罐裝可樂竟然唔使加錢呢😍. > 對牆嘅座位更貼心安裝左叉電頭👍🏻.