香港荔枝角｜Umai Ramen Sumibiyaki

三小時的快樂聚@UMAI 很久沒有跟火鍋友一起飯聚了！所以這夜約了在我們也超喜歡的日本餐廳內開大餐聚一聚。 地點正是我們經常去打躉的UMAI 鵜舞，喜歡這兒地方夠大充滿日本風情而且食物質素高但價位親民，所以我們久不久便要再來這兒朝聖。 先叫一份燒靜岡沙甸魚苗薄脆＄68做前菜，入口脆卜卜的沙甸魚苗超級可口，喜歡㗳兩杯的朋友一定要點來佐酒享用。 沙律我們點選了這個鵜舞沙律＄88，內裏有齊吞拿魚、薯仔、雞蛋沙律及沙律菜好豐富，混合一起品嚐口感好滿足美味度亦很高呢！ 野菜天盛＄118內有南瓜、番薯、小青椒及香菇等！炸得夠薄脆而且一點也不油膩水準依舊的高。 然後當然要再品嚐鰻魚玉子燒＄78，香滑蛋卷熟度恰好內裏藏著燒鰻魚，口感味道也配搭得天衣無縫好好吃喔。 燒厚揚豆腐＄68分別有醬油和木魚口味，燒到外皮煙韌內裡嫩滑超級惹味百吃不厭。 然後還有炭火燒日本鰻魚串魚肉口感紮實味道甘香，我覺得味道比蒲燒鰻魚更加好味吸引。 這客鹽燒阿波尾雞脾肉＄108的雞皮燒得香脆，內裡的雞肉吃下香嫩又多汁，配搭柚子胡椒醬吃味道非常誘人。 卷物選來鮪魚中卷＄128和鵜舞卷＄78來分享，前者油份豐腴滿滿魚香後者則材料十足口味非凡，兩款也各有捧場客而我就喜歡魚油滿分的鮪魚中卷。 主食就來一客鵜舞釜飯＄248內有干貝海膽、蟹肉、帶子、三文魚及三文魚籽，充斥海水鮮味的飯粒口感恰好，加上豐富的海產叫我吃得動容不已。 甜品我們得到晶瑩剔透的水信玄餅＄48，雨滴蛋糕透明如水晶滑捋捋的入口即化，灑上黃豆粉再淋上黑糖漿一起品嚐味道甜美可人。 我們一行五人就這樣快樂地渡過了3小時，已經約定中秋節再一齊打邊爐玩燈籠超期待喔。

又食日本嘢！ 放大假梗係約朋友去食飯啦！我哋就最鍾意食日本嘢一於去鵜舞食日本料理啦。 呢晚人多可以放肆咁叫嘢食！嗌到一枱都係正嘢真係睇見都開心。 呢個係靜岡沙甸魚苗薄脆，啲魚苗壓扁之後攞去燒到脆卜卜，食落夠晒香口用嚟送酒一流。 鵜舞沙律入面有吞拿魚、薯仔同埋雞蛋沙律各一球，加埋啲新鮮嘅沙律菜同車厘茄，睇落好似好簡單但係又好好食喎。 呢個燒厚揚豆腐係老婆心愛之物梗係要叫番份佢嘆吓啦！豆腐燒到外面煙煙韌韌入面仍然滑嘟嘟，一邊係醬油味另一邊係木魚味兩個味都好得。 鰻魚玉子燒個蛋整得好香滑，入面包住咗啲鰻魚肉食落去特別香口。 鮪魚中卷同埋鵜舞卷有紫菜要交俾朋友同老婆大人食晒佢！ 呢度嘅串燒咁出名點可以唔食呀！我哋叫咗呢個炭火燒日本鰻魚串係呀又係鰻魚！因為我老婆大人最愛食嘅就係佢哈哈，燒到魚肉啱啱熟食落去好彈牙，冇多餘嘅醬汁食到魚嘅鮮味好正斗。 天婦羅都係唔可以唔食嘅正嘢！懶係健康叫咗個野菜天盛入面有南瓜、番薯、小青椒同埋香菇，天婦羅嗰漿好薄好脆加上新鮮嘅蔬菜食落好清爽。 我嚟呢度最期待嘅梗係食燒牛肉啦！呢個澳洲和牛燒嘅外層夠焦香入面仲係粉紅色㗎，食落去有濃濃嘅炭香真係好吸引。 大食嘅我梗係要整個飯食先得啦！鵜舞釜飯一煲入面有齊干貝、海膽、蟹肉、帶子、三文魚同埋三文魚籽好鬼豐富。 米飯煮到口感啱啱好加上鮮味嘅配料好食到唔停得口呀。 甜品就有呢個亮晶晶嘅水信玄餅，食嘅時候大家要小心唔好似我咁索咗黃豆粉入喉嚨俗到氣咳！透視感十足嘅水信玄餅口感好滑，加埋黑糖漿同黃豆粉一齊食唔會太甜，就算唔係幾鍾意食甜品嘅我都like佢。

餐廳裝潢係充滿日本風，居酒屋格局，入面擺咗好多日本酒樽～ 氣氛唔錯～ 🍭富山白蝦($88) 都幾特別，第一次食，將日本白蝦炸到脆一脆，幾岩伴酒食～ 🍭黃金芝士西京燒($68) 總共有六塊芝士，每塊都烤過，外面好微微燒焦，有濃郁芝士香～ 🍭博多明太子玉子燒($72) 玉子燒中間有好多明太子，對於鍾意食明太子嘅幾滿意～ 如果可以再熱啲就好～ 玉子好滑身～ 🍭雜錦壽司10款($298) 10款唔同類型嘅壽司，有三文魚、赤身、左口魚邊、大蝦、帆立貝等～ 🍭燒厚揚豆腐($68) 呢個我地一致覺得好好味🥹 豆腐熱辣辣上，外面炸得香脆，口感內脆外軟，用上玉子豆腐製作，更香滑可口～ 🍭照燒阿波尾雞腿肉($138) 雞腿肉肉質嫩滑，外皮煎得香脆，切開咁上方便進食～ 🍭野菜天婦羅($118) 呢間啲天婦羅係幾唔錯！野菜呢款有茄子、南瓜、蕃薯、香菇，青椒，外衣超薄，好味道！ 🍭特色凍蕎麥麵($80) 凍蕎麥麵都相當唔錯，有隻溫泉蛋喺上面，吉開有好多蛋漿湧出，撈埋一齊食好味！ 🍭乳酸梳打($38) 🍭荔枝梳打($38) 🍭桃乳酸梳打($38) 🍭巨峰乳酸梳打($38) 🍭豆腐雪糕x2 ($56) 🍭海鹽雪糕($28) 🍭綠茶雪糕($28)