香港美孚新邨｜Rink 8 八號草

美孚狗狗友善餐廳 Rink8八號草🌿 鄰近美孚地鐵站，設有健身室、泰拳、草地滾球同埋餐廳。餐廳可以帶埋你嘅狗狗另外仲有自家寵物零食專賣區。 餐廳Menu亦都非常吸引，最後我哋揀咗以下呢幾樣試食。 洋蔥湯面到有一層濃厚既芝士，飲之前先用匙羹挖開面頭芝士面千其唔好中間就插入去，因為裏面有好足料嘅洋蔥同埋麵包而且份量十足，一個唔覺意好容易會瀉。濃芝士再加上熱辣辣洋蔥湯簡直絕配！ 雜菌湯亦都份量好多，大大碗！而且菌味濃郁，賣相亦都非常之唔錯！ 呢份沙律真係第一次見，空運嘅生菜成條上，配上烘麵包醬汁同埋蝦仁，感覺非常新鮮。 鱸魚外脆內軟，油脂十足而且飯嘅硬度都好適中，配上龍蝦汁極之惹味。 鍾意食羊嘅朋友千祈唔好錯過，羊架肥瘦適中，份量夠，有少少脂肪而且嗰邊好香脆，羊肉嘅鮮味亦都好出。可以配上薄荷啫喱或者芥末醬，肉質都比較鮮嫩！ 地址：美孚新邨百老匯街69-119號四期商場一樓保齡中心 #shibahongkong #shiba #hongkong #美孚

草地滾球場+掟飛鏢+Fushion菜，住宅區中的小驚喜❤️ 餐廳食物選擇都OK，樣樣都有啲，有特色！ 煙肉沙律味道正常，份量足，而且沙律菜好新鮮，配上沙律醬汁辣辣地幾開胃。 洋蔥湯有驚喜，味道濃郁👍 廚師用咗五種蔥同四重芝士製作，建議先撥開芝士，飲一啖，再撈勻飲，湯料比較多，幾飽肚！ 主菜係燒牛肋骨同埋海鮮冬陰功意大利飯。牛肋骨用62度萬煮6小時，牛肉軟淋入味，膠質重，好好食🤤🤤🤤 冬陰功意大利飯係廚師自創菜式，味道惹味，海鮮材料豐富！ 雖然隔離有滾球場又有飛鏢玩，但環境都算清靜，有酒飲，好適合約三五知己嚟食飯傾偈呀～仲有可以帶埋狗仔一齊嚟玩添，設寵物下午茶，相當貼心！

這間位於美孚的主題餐廳，有食物有酒飲，還有飛鏢機，啱晒我這些鍾意擲鏢但找不到地方的人🤗 *Frisee Aux Lardons 煙肉沙律配水波蛋乾烤麵包 侍應建議將水波蛋汁、黑松露油同醋拌勻沙律菜 又真係幾好味😆 *Wild Mushroom Cream Soup 野生蘑菇忌廉湯🍄 濃郁蘑菇味，入口濃稠綿滑，好味 *Five Onion Soup 🧅 超厚拉絲芝士 洋蔥湯非常濃味 原來大廚用紅洋蔥、白洋蔥、青蔥、乾蔥、大蒜來做這個湯 飲過好多洋蔥湯，這做法都係第一次，難怪味道咁豐富 *Surf & Turf (Beef Fillet & King Prawn) 海陸二重湊 有肉有海鮮，所以叫二重奏 牛柳要5成熟，肉心粉紅，口感粉嫩 虎蝦煎得香口，爽口彈牙 配菜彩椒，茄子，薯角都好味 Mullet Roe Carbonara Squid Ink Linguine 烏魚子卡邦尼墨魚汁扁意粉 墨魚汁扁意粉口感煙韌 不似一般卡邦尼creamy 食落不會太重口 烏魚子味道鹹鮮 用來代替芝士好味又特別 想chill下飲酒就最好不過 *Goose Island IPA 來自芝加哥的IPA，柑橘、啤酒花香氣。柔順口感，令人討好 * Hoegaarden Rosée 飲啤酒的人都應該飲過這牌子啤酒，這款以raspberry 為主調，味道甜美，果香特出，口感順滑，幾啱女士飲 餐廳外還有草地滾球，適合運動朋友。原來這裏也是pet friendly餐廳，每逢假日都有主人帶同寵物來享受一個下午時光，好啱愛寵的朋友來