香港荃灣｜珍一料理

店鋪唔算大，有兩個凍櫃放滿麻辣、五香涼拌小食，多達廿幾款，可以自由配搭價錢合理，見到傳單話喺黃竹坑有中央廚房，香港製造都食得安心。 五香三拼(牛筋凍、腐竹、雞腎) $50 牛筋凍似啫喱，充滿⻣膠原，腐竹吸哂滷水汁，好入味，唔會太硬或過腍，咬落有口感，雞腎爽口，加上香口的黃豆，口感豐富。 川麻三拼( 豬肚、雞絲雲耳、牛栢葉) $55 麻辣涼拌好適合夏天食，豬肚爽脆，牛栢葉切得好幼，唔會難嚼，辣度唔高，我食唔到太辣都入到口。 椒麻手撕雞 $68 半隻份量都幾多，手撕得平時大塊，雞肉嫩滑，椒麻分明，麻香味足帶微辣，每啖都香口。 東坡肉飯 $40 五花腩肥瘦相間，入口即融，肉質軟嫩入味，肥而不膩，百葉結淡淡豆香，吸滿甜甜的醬汁，送飯一流。 珍一料理 (富榮大廈) 荃灣荃興徑10-18號富榮大廈地下6號舖

荃灣收工，順便睇吓有咩好野食外賣番屋企😶‍🌫️咁岩就見到荃灣川菜外賣🥡咁有特色既外賣當然要試一試喇，大家都注意佢剩係外賣自取冇堂食的🥳 東坡肉飯$35 雖然我唔係太鐘意肥肉，不過真係一試難忘，均勻嘅肥膏加埋入晒味厚肉，食落有口感仲唔會覺太多膏好油膩，加埋配菜嘅百葉結，濃郁嘅醬汁配上白飯真係可以不停加飯！ 椒麻手撕雞半隻 $68 呢個係十分滿分嘅推介，對於啖啖肉嘅食肉獸嚟講，手撕雞簡直係極品，再加上佢配埋椒麻嚟帶出左更多鮮味道，有種食上癮嘅感覺，佢手撕雞每條都比較大，反而增加左你咬口嘅感覺，更加享受佢嘅味道！ 川麻料理三拼 $55 雞絲云耳、麻辣豬肚條、脫骨香豬肘 又係一個麻辣嘅開胃拼盤，每一樣都係配合飲品必備嘅小食，小小嘅川麻味道令到你更加想食落去，口感滿足之餘又可以嘆住啤酒或汽水！ 五香料理三拼 $50 豬耳、牛筋凍、雞腎 食唔到辣嘅朋友呢個拼搭就十分適合你喇，清清地但係又唔會太平淡，每樣食品嘅配搭都有唔同嘅味道，爽口彈牙都會令你繼續跟住停唔到口！ 📍珍一料理 (富榮大廈) (荃灣) 荃灣荃興徑10-18號富榮大廈地下6號舖

造訪一次神奇的川渝料理 椒麻手撕雞 68元 椒麻手撕雞的雞肉香滑結實，而雞皮沾上獨特製造的醬汁更有異想天開的風味，好!好!食!呀! 東坡肉飯 50元 仲有最靚的豬腩肉!仲有最靚的豬腩肉! 東坡肉與每一斤脂肪同的比例恰到好處！最靚的豬腩肉撈飯食一流! 五香料理三拼 50元 牛筋凍/雞腎/土豆絲/青瓜絲+紅蘿蔔絲 川麻料理三拼 55元 豬耳/豬肚條/豬爽肉/炸黃豆+花生 三拼的小食有辣有不辣,買回家撈飯食確實不得了。最意外是親眼看到店員每一樣都大手放入盒中,就算今晚吃不完,留待明日再戰也可以。 我最喜歡就是牛筋凍和豬耳,兩樣都是好爽口的小食,我家人就喜歡雞腎,因為好有雞味! 珍一料理 (富榮大廈) 荃灣荃興徑10-18號富榮大廈地下6號舖 @zelicatessen_hk #珍一料理 #荃灣 #川菜 #渝菜 #麻辣 #牛筋凍 #雞腎 #土豆絲 #豬耳 #豬肚條 #豬爽肉 #新鮮調拌 #香港黃竹坑新店自設中央廚房 #四川 #成都 #重慶 #蜀國 #天府之國 #香港 #辣 #SPICY #爽口 #好食 #椒麻手撕雞 #豬腩肉 #東坡肉