香港荃灣｜Gyu-Kaku Jinan-Bou (Tsuen Wan Plaza)

食肉獸一定要去!!!! 荃灣廣場入面有一間想食好耐既燒肉丼飯，我一直過門而不入，點解？咪就係因為每次經過都見到好多人排隊🤯 今日難得放早，所以即刻把握機會早啲去食！ - 店內每個燒肉丼均配上味噌湯及口感軟糯既越光米；而醬汁亦可由客人自由配選，可以俾你調配出適合自己口味既丼飯😊 - ☆ 牛角次男坊丼 HKD$93 好！震！撼！真係成坐富士山咁🤤作為餐廳招牌，由十幾廿塊牛肉片砌成， 店員表示高達16cm，重達500g，果然真材實料😋😉 丼飯選用美國牛肩脊肉，每一塊既油脂比例均勻，口感嫩滑軟綿，絕對唔係坊間既劣質肥牛。並配上味道甘甜既牛角飯燒肉汁，夠哂惹味！加上牛肉底下有芽菜另外，牛肉亦可加錢升級配選，例如美國 SRF 極上和牛板腱肉及日本熊本玉名黑牛牛肋肉~ - ☆ 豚丼 HKD$82 豚丼賣相較為平凡，豚肉份量大約十塊，並配上半熟溫泉蛋，係唔食牛肉既你一個不錯的選擇。豚肉用上西班牙豚梅肉，故肉質較為軟腍亦唔鞋身，配上濃甜燒汁，味道搭配👍 加上流心既溫泉蛋汁用嚟撈飯，令每粒飯都沾滿醬汁與蛋汁，十分滋味😋😋 - 總括而言，唔洗一百蚊既價錢，都能夠食到即叫即燒既燒肉，非常超值！加上其為牛角燒肉店既副線，味道同質素絕對有保證，不枉我想食左咁耐🤗😚😉

食肉獸朝聖地 週末到荃灣廣場逛街食晚飯，商場裡食店林林總總，見此店長長人龍非常顯眼，於是決定一試。 門外排隊取位花15分鐘，期間職員派發餐單讓食客先選擇食物。入座後，要自行出外面排隊俾錢落單，點完餐店員會遞上號碼牌給你，將牌放在枱上就可坐定定等送餐了。 王樣！豚肉丼定食 $85 賣相吸引，一大條長長的豬腩肉橫跨碗面，滿滿蔥花碎，配上原隻溏心蛋及4片紫菜伴碗。豚肉夾著脂肪油香味美，雖則邪惡，但就忍唔住一啖接一啖吃掉，還可用紫菜包著所有材料像飯卷般吃，別有一番味道。 豚肉丼定食(西班牙豚梅肉) $78 多塊豚肉舖得滿滿，中間放了滑滑的温泉蛋，蔥花少許。豚肉無脂肪，食起來啖啖肉，醬汁味濃，非常美味，飯中好多紫菜碎再沾埋蛋汁，食落幸福滿滿的。 雖然味道唔錯，但有點膩。幸好定食配有酸酸味嘅前菜，餐飲亦可選支裝纖解茶，有助解油膩。另外，亦設有麵豉湯及汽水供選擇。

想簡單食個飯 又想食烤肉🥩😂 呢間幫到手🤭🤭🤭 佢啲牛肉真係有陣燒肉味，醬汁又好食 要撈哂成碗飯真係話都無咁易呀 👍🏻👍🏻 最鐘意呢牛肉飯，份量又多👍🏻👍🏻