香港觀塘｜魚川居 (觀塘)

早排約舊同事係觀塘食飯 試咗呢間新開樓上鋪 佢地lunch十分抵食 午市套餐$50有找😍 酸菜魚，湯汁的酸度與辣味交相融合😳 魚肉切的透薄而不散，鮮嫩多汁 鹹菜胡椒豬肚雞泡飯💲47 湯頭好濃郁，鹹菜的鹹香和胡椒的馥郁融為一體 豬肚亦煮的軟淋入味，雞肉份量亦不少 雲吞雞米線💲47 湯頭較清，雲吞滑嫩有料，比夠5粒 雞肉亦有5塊，配菜則是娃娃菜 麻酸辣手撕雞💲60 手撕雞肉帶著嚼勁，搭配著麻辣的醬汁 好惹味

觀塘任食雞煲火鍋放題送海鮮拼盤 今晚跟朋友睇完盤，順便係觀塘工廈區揾食，經過豐利中心樓下有個叔叔派傳單係甘叫我哋試吓樓上有間魚川居，有好多新鮮同靚肉甘話，上到去見到都幾乾淨，姨姨們又幾好招呼就坐低食！ 有兩個levels揀，level 1 就係正常嘅肥牛、黑豚、鮮雞，level 2就多好多款牛揀，包括牛小排、牛肩胛、封門柳等等，仲有日本魷魚同蠔，我哋當然揀左$308嘅level 2黎食下！ 湯底可以五揀一，有酸菜魚、水煮魚、烤魚、世一雞煲同椰青雞，烤魚造型好正，但見到雞煲號稱世一，當然要試吓佢！ 等個雞煲整好前可以出去自助區拎前菜、火鍋料、飲品同醬料，前菜方面有川式涼拌同日式前菜，最特別係有無骨海南雞，滑嫩好味！另外仲有炸物包括炸蝦、蟹鉗、芋頭波波、川辣茄子。火鍋料來講個人覺得店家選料幾用心，有唔太常見嘅台灣黑椒腸、竹笙等等，一啲都唔馬虎。 拎完嘢食返去雞煲啱啱炒好，新鮮熱辣，雞件食落好香好惹味！當啲雞幾食得咁上下，可以搵店員加湯，跟住就可以打邊爐啦！ 晚市每位仲再送海鮮拼盤，有肉蟹、鮑魚、帆立貝、花螺，係食得出嘅高質同新鮮，加埋出面自助區嘅蝦、脆肉鯇同大蜆，真係非常豐富！ 飲品方面，有汽水、茶、羅漢果茶等等，不過呢度歡迎客人自備酒水，仲免開瓶費，可以帶自己鐘意嘅酒黎同朋友慢慢飲！ 甜品竟然有movenpick嘅雲呢拿雪糕提供，另外仲有香芋雪糕杯、雪米糍、奶凍同洛神花果凍，個人認為洛神花味凍好特別，一定要試一試！ 㩒openrice 仲見到原來到晚市四人同行一人免費嘅優惠，仲要有蟹，下次要約多幾個朋友一齊再食先得！

$200 任食邊爐有海鮮🤩 約了朋友去觀塘食嘢，雖然遲了放工，但竟然誤打誤撞下去了這間非常抵食嘅任食邊爐！😍8:30後入座有85折，around $200就可以任食🙈 🌟火鍋湯底+海鮮盤 點了個椰青雞湯底， 入面真係好多雞肉，而且湯底係出乎意料地超甜，椰香味重，淥菜/其他嘢樣樣都好甜香入味！ basic每位仲送海鮮盤，有肉蟹、鮑魚、帆立貝，樣樣質素都好，蟹🦀️雖然不算好大隻，但肉質結實且甜甜的，還有蟹膏，而鮑魚鮮甜軟香，口感好 😋 🌟任食款式 無論是任點還是在外面取的款式都相當多，可以話一定有嘢啱食～ 其實唔止海鮮盤，想食海鮮的話，外面都有蝦+蜆任攞！最surprise的是竟然有魚肚，淥過後有咬口且不腥，軟嫩彈口，同朋友不斷攞來食😆（因爲朋友超鍾意食） 另外其實蝦+蜆都好新鮮，味道鮮甜，feel到呢到嘅食材質素的確好，好有誠意。 還有熟食可以取，世一海南雞去了骨，雞肉嫩口 ，香滑入味😋 另外餐廳還新鮮炸了雞軟骨，外面脆香，入面無肥肉 菜類方面，白蘿蔔是必食的，超甜無渣，配上椰子雞湯底格外甜香 自己任點的還有土匪雞翼和生蠔，雞翼脆香，生蠔都好鮮甜！ 肉類方面，個人喜歡豬肉，少少厚得來肉質嫩，水準幾好。 店員服務都好好，會留意住你需要，eg好快加湯，仲要真係加雞湯～ 以這個水準，這個價錢，呢到真係超曬值！以前食過d任食邊爐，真係都無咁嘅水準+多款式選擇。