香港西灣河｜Hatoba Japanese Restaurant

「約定未知那遠路裡，同看著時代飛舞。」 不要說咁樣真係得?試著說不如試左先啦； 不要說我覺得好哂時間，試著說賺個經驗， 當交學費囉；只要調教一下自己心態， 睇既野原來真係唔同，擴大自己眼光， 自然唔會忽略日常生活中既小細節，令自己活得 更加精彩。好似原來西灣河除左太安樓夜市 可以掃街之外，係西灣河碼頭就有間隱世既 居酒屋「埠 - Hatoba Japanese restaurant」 一邊對住個海，一邊思考下人生哲理， 寫意呢兩個字咪就係咁解！👇 - 📌お肉 - ▪ 牛タン - $52 ▪ アメリカ牛肉 - $64 ▪ アスパラ豚肉巻き - $38 ▫ 黎得居酒屋，串燒就走唔甩啦，先試左個 「牛舌」先，質感夠厚身，裡面咬落好似食緊 棉花糖咁，非常軟腍。入口帶少少趙口， 牛味夠突出，唔錯；再黎「蔥蒜牛肉」， 鍾意濃味既朋友有福了，調味均勻適中， 係面前有個熱石爐保持溫度，咁樣可以保持 住食物既品質，呢點值得大讚；而食落肉質 夠爽口嫩滑，散發住淡淡既牛香味，肉汁係 口腔裡面瞬間爆發，一個字正；試埋個 「豚肉露筍卷」，薄薄一浸既豚肉切片捲住 新鮮既露筍，露筍食落夠清爽，加埋豚肉香， 兩者味道好夾，抵讚！ - 📌お食事 - ▪ ネギとあられの釜めし - $78 ▫ 最鍾意有生雞蛋既釜飯，所以苛呢個 「月見香蔥脆脆釜飯」一定係我必點之一。 用上日本新鮮雞蛋、大量紫菜、香葱、芝麻 再混合蒜蓉黎形成個釜飯既底，撈勻之後聞到 相當濃烈既香味，食落蛋味十足，醬油唔會 蓋過本身既材料，而飯粒用左日本珍珠米， 入口相當軟綿！ - ▪ ズワイガニの鍋焼きうどん - $118 ▫ 另一主打我會推介佢地既「松葉蟹肉鍋燒烏冬」， 蟹肉本身唔會連殼，食起上黎夠方便，唔洗再人手 拆肉，呢點抵讚。蟹肉食落新鮮，爽口嫩滑， 加上烏冬扁身，入口爽滑彈牙，配搭埋湯頭一齊食， 份外鮮甜。唔好睇佢細細煲，兩個人都食都岩岩好。 - ▪ かにみそ · おにぎり - $138 ▫ 好特別既「甲羅燒拼松葉蟹肉飯團」， 飯團裡面用左蟹肉，賣相睇落好似粒大帶子咁， 入口外脆內軟，幾特別；而旁邊就將蟹肉釀入 蟹蓋黎燒，係燒到咁上下再放埋鵪鶉蛋攪勻， 食落鮮味突出，蟹既香味彷彿係你身邊繞過， 相當滿足。 - 📍 埠 - Hatoba Japanese restaurant 🎈西灣河鯉景灣太康街西灣河碼頭

來吃個午餐，我吃了個蟹肉烏冬配火炙左口魚裙邊飯，味道很好。友人吃了串燒也說很好。店家有一張面向海的長檯，晚上來喝杯酒吃串燒望海景，應該很寫意！

一間面對海景的幽雅日本串燒，推開露台門，拿著sake慢飲簡直是最佳享受。此店裝修精致，很有氣氛，位子不多。講到食物，每樣都是慢功細貨，燒得細緻，所以荷包免不了要開。服務我覺得恰到好處，店員都很有禮貌，吃了一餐滿意的串燒。