香港九龍灣｜嗚門日本料理

估唔到國際交易中心入面都隱藏咗幾間餐廳🫣呢間日式餐廳lunch時段去到幾乎滿座添～記得提早book位呀！ 90分鐘半自助餐：午市每位$268 120分鐘半自助餐：晚市每位$320 *留意翻半自助餐得週末先供應* 每人可以自選一款主食，刺身、壽司、熱食、炸物、飲品等等都可以任食😍 主食唔想食太多，揀咗一份網燒安格斯牛扒同牛肉野餐鍋🫕 牛扒五成熟啱啱好，已經切好咗好方便👍🏻肉質同口感都唔錯 牛肉野菜鍋係壽喜燒湯底，肥牛正常發揮，底都有唔少蔬菜，健康之選😛 任食刺身擺盤一啲都唔馬虎，每款都係大件兼厚切，望落好新鮮😍估唔到半放題都有呢個質素，好驚喜！ 我地仲嗌咗好多小食同炸物，全部都係即叫即炸，上枱熱辣辣誠意十足，味道都唔錯～ 除咗食物質素ok之外，餐廳環境都非常舒適，座位夠闊落，仲有落地玻璃，會再encore😎

去左九龍灣一間日式放題好正呀😍😍😍 星期六, 日及公眾假期放題90分鐘自助餐$268一位 (有樂悠卡/ 長者卡更平)☺️ 星期六, 日及公眾假期放題120分鐘自助餐$328一位 (有樂悠卡/ 長者卡更平)😉 可以揀一款主食先😌😌 另外仲有好多小食, 壽司, 刺身, 炸物燒物俾你揀😂

【食好西】環境高尚雅致的日式半放題🇯🇵🏯 平時去九龍灣都係會去德福、淘大、MegaBox等等地方睇戲食飯😋 食來食去，都係嗰幾間🤣好少留意工廠區嗰邊嘅嘢食😗但發現工廠區嗰邊都有好幾間餐廳都唔錯👍🏻🍽️ 而今次就去到九龍灣國際交易中心嘅一間日式餐廳到食半放題😋講起放題，就即係任食啦，但點解係叫半放題？因為每人都會先嗌一份主食，然後沙律、壽司、刺身、飲品等等都係任飲任食，淨係主食都有八款美食俾大家揀❤️每位都係$268+10%咋❤️ 自選主食👍🏻兩個人每人叫左一樣主食，而今次就叫左個 網燒安格斯牛扒（五成熟）🥩及 牛肉野菜鍋🥘👍🏻 而半自助餐任食包括壽司、小食、刺身、燒物、炸物及飲品，而且選擇都唔少㗎👍🏻想食幾多就叫幾多😋😋 ⭐️網燒安格斯牛扒（五成熟）🥩 餐廳將牛扒輕煎，煎到五成熟啱啱好，肉色呈現一種櫻桃般的色澤，完美脂肪比例，令到牛嘅口感豐富，肉質厚實，食落去又唔會太煙韌，肉味濃郁，🥩好好食😋食完之後會有一個好滿足嘅感覺😋 ⭐️牛肉野菜鍋🥘👍🏻 牛肉野菜鍋嘅湯底係壽喜燒，味道都唔錯，唔會太甜！而成個壽喜燒嘅精髓就係安格斯牛肉，牛肉厚實有牛味，依一個鍋嘅配料都好足料，有滑豆腐、黃芽白、洋蔥、冬菇及雞蛋等等👍🏻😙都幾好味😋 而半自助餐任食的選擇都唔少㗎👍🏻 ⭐️壽司：三文魚、劍魚腩、帆立貝、蟹籽、蟹棒、玉子、加州卷、赤蝦、吞拿魚沙律軍艦、粟米沙律軍艦 ⭐️小食：日式蒸蛋、麵政湯、味付螺肉、芝麻八爪魚、迷你牛肉湯烏冬 ⭐️刺身：三文魚、油甘魚、八爪魚、鲷魚、帆立貝、熟北寄貝、榮螺、赤蝦 ⭐️燒物：鹽燒鯖魚、雞翼、汁燒白豚腩、免治雞肉棒、厚燒牛舌、明太子玉子、燒三文魚頭(限定價肪） ⭐️炸物：吉列蠔、芝士年糕、芝麻雞翼、唐揚雞軟骨粒、吉列迷你紫薯餅 ⭐️沙律：胡麻豆腐沙律、角切魚生沙律 ⭐️飲品：巨峰乳酸特飲、白桃乳酸特飲、汽水 以上嘅嘢食都係任食㗎！味道都唔差！而且環境都高尚雅致👍🏻就好似身處於高級料理餐廳，可以同朋友一齊chill住嚟打卡影令相😍📸