香港尖沙咀｜Sushi Mai

- Omakase一直都係食體驗💕 食一餐飯好似去左一次日本咁🇯🇵 但知道身邊好多朋友會覺得食得唔自在 今次想同大家分享呢間新餐廳完全唔會🙅🏻‍♀️ 係一次又舒服又高質嘅享受🥰 ▫️極上寿司 Deluxe Sushi $588/人▫️ 寿司(十二貫)•手卷(一本)•湯稻庭烏冬 ▫️前菜🥗▫️ —螢光魷魚— 螢光魷魚一啖一隻，配搭醋麵豉醬提升魷魚鮮味 —柚子沙律— 原塊柚子肉配上沙律菜，絕對可以清新味蕾 —茶碗蒸— 蛋蒸得好滑，入面配搭原粒帶子肉，夠晒鮮味 ▫️壽司🍣▫️ —針魚、魷魚、左口魚、鯛魚、鰤魚(蘋果木煙熏) 赤貝、中木鯛(配烏魚子)、赤木— 八款傳統外貌嘅壽司 每款都配搭唔同口味嘅配料食材 例如薑、蔥、醬汁、蘿蔔蓉，柚子皮等 有啲再配合火槍炙燒🔥 焦香味更能帶出魚油嘅鮮味🐟 / 另外四款壽司用不同狀態呈現✨ —慢煮鮟鱇魚肝— 就算係第一次食鮟鱇魚肝嘅你都一定唔會抗拒 味道一試難忘，魚肝入口即溶 用齒頰留香形容最適合不過😋 / —白子飯— 我第一次食白子🫣 但唔使怕完全唔核突，個口感質地仲好彈好得意 用白子配搭，做出意大利飯嘅質感 食落好creamy，啖啖都係白子味 / —燒吞拿魚腩— 厚切吞拿魚腩，夠晒大滿足🤤 係充滿油香嘅一件壽司 / —赤海膽— 到我至愛嘅海膽出場🧡 用碗裝嘅壽司，師傅俾咗超多海膽！ 海膽每塊都肥肥白白好鮮甜🥰 ▫️手卷▫️ —吞拿魚手卷— 跟返日本傳統，用手食✋🏻🤚🏻 吞拿魚好鮮味，飯嘅份量唔多 好處係可以一啖食晒紫菜、飯、吞拿魚😝 ▫️日本素麵▫️ 因為食物選材關係，由稻庭烏冬改為日本素麵 平時比較少食到日本素麵 粗幼度同米粉相似，但係比較軟滑 特點係就算浸得耐湯都唔會變漿糊😉 ▫️甜品/飲品▫️ 可選意大利即磨咖啡或者日本豆乳布甸 我哋揀咗甜品，豆乳味好濃郁 而且質地好嫩滑好creamy又唔會太甜💕 師傅好好傾，又唔會阻住大家嘅私人傾計時間🥰 店內裝修舒服，空間感十足 餐廳高級食材每日由日本新鮮空運到港 基本上同日本當地食到嘅新鮮程度係不相伯仲👍🏻 絕對推介大家來食嘅一間日式餐廳🍴

做緊第二位半價黎講佢都幾抵食 佢本身已經比其他地方嘅嘢食多，就連刺身都有9款，呢個價錢對得住 而且食物嘅質素都係唔差，甚至好精緻好特別好有心思 超級鍾意食佢嘅海膽，係我喺香港食過最好食嘅海膽

難忘的Omakase 慶祝我的生日🎂，老公早於一個月訂位，我就奇怪需要咁早訂嗎？當日才知道，壽司豐的總廚陳俊傑原來師承日本前首相御廚松戶利雄先生，擅於選擇四季時令食材，創作出令客人耳目一新的感覺，難怪一位難求！ 我們食的是$980 豐 Omakase ，先來日本鈴蝦菠菜南瓜，南瓜蒸咗幾個鐘，香甜軟腍。 日式茶碗蒸，用上日本雞蛋，表面有鮑魚芡汁，提升蛋的鮮味，又保持蒸蛋溫度，加入了鯛魚，肉質嫩滑。 北海道仙鳳趾生蠔刺身，爽滑Creamy，帶有海水鮮味，配合粒粒醬油醃漬過三文魚籽。 北海道帶子刺身加入青檸汁，帶點清新香味，而真鯛刺身撒上海膽粉配蔥汁調味。 鰤魚刺身、大拖羅，油脂分布較多，口感似霜降和牛，有入口即融的口感。 深海池魚壽司，肉質比較爽且彈牙。 左口魚壽司，表面油上拖羅油，以及三文魚籽油脂豐富較重，燒群邊帶有點鹹香味。 赤身醬油漬壽司，原來是前江戶時代做法，色澤通透，傳統較濃味。 秋刀魚壽司，正值最肥美時候，加入日本香蔥，魚香鮮甜。 北海道馬糞海膽紫菜壽司，濃厚甘甜。 西京燒銀鱈魚，醬汁以白味噌做底，香甜嫩滑。 最後奉上草莓蛋糕，軟綿綿的口感配上香滑忌廉，中間是酸酸甜甜的草莓醬，這個生日午餐令我很難忘，畫上滿足的句點。