香港尖沙咀｜Namdaemoon Korean BBQ Restaurant

同行兩個人，一共上左5款小菜。有魚糕、泡菜、菠菜、紫菜、蔥絲生菜。呢度既泡菜夠爽脆，而且唔太辣，啱我口味👍🏻 醬料方面提供左兩款，一款系香油鹽醬，另一款系偏鹹既拌飯醬。亦都有蒜片、辣椒比我哋夾肉食。 🌸牛肉拼盤｜$560 拼盤可以選擇配大醬湯/泡菜湯，我簡左泡菜湯，入面唔系得泡菜，仲有豆腐、五花肉非常足料，辣度屬於小辣，推薦！ 牛肉拼盤包含咗牛肉眼、牛肋骨肉、肩胛肉、板腱肉四款。全部都佈滿雪花脂肪😍肉眼非常出色，牛味夠重而且好厚。重有生菜可以包全啲肉黎食👍🏻 兩個人share呢個拼盤份量啱啱好，仲可以叫多碗白飯餸泡菜湯😉 🌸忌廉溝鮮奶｜$20

天氣開始涼好岩食韓燒😍金巴利道韓國餐廳林立，今次去左南大門食烤肉☺️ 餐廳抽風系統非常好，食完烤肉一定會成陣油煙味，但呢到係無呢個問題🙈 護心肉 $160 護心肉係豬最珍貴嘅一部分，每隻豬只產出手掌大小，口感比較有韌勁，但又唔會太過油膩，用生菜🥬包住食口感就更豐富，有爽脆感☺️ 甜辣醬炸雞 $190 一份12件炸雞，價錢唔貴，炸雞每件都好大件，仲有雞腿部位，唔會太厚粉，食落啖啖肉，配甜辣醬食非常惹味😋😋 炸醬麵 $170 大大份嘅炸醬麵係2人份量，落左大量洋蔥、豬肉，帶點甜味，麵條好煙韌彈牙🤤 泡菜湯 $90 味道好正宗，有滑豆腐、豬肉、大量泡菜，味道酸酸辣辣，配白飯食一流🤤

見韓國街有好幾間都係叫南門，個名好似有少少唔同但唔係太知個分別，就隨意行左入哩間。環境都係傳統韓烤格局，乾淨企理。 Order完就上哂前菜，都有成6-7款，個泡菜同茄子都好好食☑️ 叫左個牛仔骨（$200），無乜肥膏但煎到出黎好香，口感彈牙但唔會韌👍🏻另外辣醬烤豬肉（$160）微微香辣好惹味，煎到燶燶地邊最好食👍🏻 石鍋拌飯（$ 95 ）味道就淡d，主要靠加醬汁落去調味。 人參雞湯（$180）熱滕滕出哂煙真係好正，湯頭清甜，雞肉煲到軟爛可以拆哂出黎食，哩個天氣一涼左d就好岩飲。 整體野食都唔錯，下次試埋其他分店睇下有咩唔同先~