香港油麻地｜Superdon Express スーパー丼

鵝肝和牛丼 $108 鰻魚玉子和牛丼 $108 鵝肝跟和牛，從來都是不敗組合，好吃與否從來都是看廚師本身 丼飯賣相精緻，看樣子已經感覺美味快要流口水了！和牛份量足，燒得剛好約5-6成熟，粉嫩粉嫩的～ 肉質柔軟牛味濃郁，這幾塊都沒有筋位不會覺得難𡁻，油份滿滿，火燒過的和牛令油香更突出但不會膩！而鵝肝也不負所望，現炸但不會炸至完全乾身，外脆內軟，非常香口！ 店家用的都是日本產的白米，熟得令人滿意，飯粒分明，飽滿而且軟硬適中；加上和牛的肉汁、鵝肝的油香和甜甜的醬油，每一口也是滋味滿足，感覺有點不夠喉呢～ 另一款同樣是和牛丼但這個配上鰻魚跟玉子又是另一番風味！第一件事當然要將玉子（生雞蛋黃）拌勻啦，蛋香沒腥味，味道很配～ 鰻魚處理得很好，燒得外皮脆身，魚肉嫩滑肥美，沒吃到魚骨可以放心食用，米飯同樣加入甜甜的醬汁，是令人吃上癮的味道～ 如果真的感覺吃膩了怎麼辦？店家還會附上中華沙律跟一客麵豉湯，喝一口吃一小份就減走油膩啦！

明天星期日父親節，今日留肚食得簡單啲，不過當然要有質素，記得上網見到eaton hotel入面有個food court好多選擇，即管入去望望，選擇多，價錢親民，最後決定同朋友食superdon express，各自一個餐一齊share。 角切魚生飯另加餃子 魚生種類超多，幾大件，好新鮮。有三文魚，吞拿魚，鯛魚，八爪魚片，螺，青瓜及蛋同蟹子。魚生份量唔少，不過飯既比例好多，飯量係超過平時一人食嘅份量。所以食到尾，魚生食哂，仲有飯剩。🤣 好在加咗$12有三隻餃子，所以都佐得哂d飯。餃子煎得都幾香脆，唔多油。 餐入面包的麵豉湯同埋中華沙律就正常發揮。 肥牛壽喜燒鍋 好大驚喜，個鍋好大，熱辣辣。牛肉一樣好多，肥牛唔會剩係得個肥字，肥膏同肉嘅比例剛好，每件都大大件。肥牛沾上蛋汁更加香滑然後再沾上芝麻醬，很美味。金菇娃娃菜等配菜份量一樣多，好吸湯，冬菇一件，好軟滑。壽喜燒湯底調味得唔錯，甜甜地，好佐飯。同角切魚生飯啱啱調轉，牛肉既份量多到可以用黎佐魚生飯既飯，當然我哋真係咁做。 雖然係food court, 當然質素唔可以同高級餐廳作比較，不過以同類foot court 或者價錢相近既餐廳比較既話，我同朋友都認為好吸引，性價比幾高。

Eaton Food Hall高性價比魚生丼壽喜燒 原來逸東樓下嘅Food Hall已經裝修完，多左好多新餐廳，今日就黎食屹立好耐嘅Superdon Express。 角切魚生丼（$88）八爪魚、呑拿魚、三文魚、沙甘魚同玉子嘅角切魚生丼，跟餐配麵豉湯同中華沙律。新鮮魚肉大大粒，同份量超多嘅壽司飯，加埋醬油同wasabi，好快就清左成碗！ 肥牛壽喜燒（$138）佐敦店限定嘅壽喜燒總共有有和牛、肥牛、豚肉同雞扒4款，今次食左肥牛壽喜燒，無論肉量同配菜嘅份量都幾多，配菜就有娃娃菜、洋蔥、大蒜、香菇、金針菇、紅蘿蔔，非常豐富。壽喜燒湯底好香甜醬油味，半熟嘅肥牛蘸生蛋液，口感更滑更嫩，絕對係perfect match！另外加$10白飯就可以升級做稻庭烏冬，暖暖嘅烏冬可以加落湯變湯烏冬，又或者撈芝麻醬食都好正！ 係Eaton Food Hall食到性價比高又高質既魚生丼同壽喜燒，一定要推薦比朋友！