香港紅磡｜壽司郎

每間分店都會大排長龍，因為真係抵食又好食，大家都會等。 壽司種類好多，選擇好豐富，火炙芝士非常美味，軍艦好吸引，貝類也非常新鮮。

壽司郎 (紅磡) 📍 紅磡黃埔天地享膳坊(第4期)地下G10號舖 網上有個推介話想食壽司郎一定要去紅磡黃埔花園嗰間分店話等得快啲，剛好有工事係附近做決定拎左票先之後再番黎，點知真係用左一個鐘就已經等到位，太開心了。❤️ 用餐60 分鐘，食物好新鮮，價錢都好相宜，以下有重點必食： 醬烤日本產帆立貝：帆立貝好鮮甜呀，肉身肥厚，輕輕炙燒過，帶點輕鬆焦香，話就話醬烤但無醬汁的，是食材料本身的鮮味，而且真係吾貴。 特選大吞拿魚腩： 豐腴甘美已教人神魂顛倒，顏色粉嫩，脂肪比例高，魚香魚油脂恰到好處。 三文魚籽：帶著深海魚獨特的豐腴脂香，放到嘴巴里的那一刻，先從舌尖上感受跳舞的歡快，整個嘴巴里都充斥著魚類的脂膏香。紫菜仲脆身的。 香蔥赤蝦： 大大堆炸香蔥，蔥味濃，赤蝦肉質結實，加堆炸蔥整體好夾，唯蔥味有點蓋過蝦味。 卡達拉娜： 馳名甜品🍮，表面一層炸左焦糖，好似crème brûlée 咁，雪糕質感好厚實，食落好幼滑，濃濃蛋香帶有忌廉味，值得一食。 牛奶🥛味雪糕🍦： 好快溶，上網學到加綠茶粉係面就變左做綠茶味雪糕，慳家大法，牛奶🥛味的確好濃，但可以不試。 總結： 食材新鮮上乘 價錢好相宜 環境舒適 坐得舒服😌 #紅磡#黃埔花園#壽司郎#香蔥赤蝦#卡達拉娜#吞拿魚#三文魚籽#醬烤日本產帆立貝#抵食

壽司郎嘅壽司唔多講啦，佢嘅壽司有幾咁好食，款款都有幾咁出色大眾周知啦，不過今次介紹嘅就係期間限定嘅壽司同埋甜品，我唔記得咗佢個名，多多見諒啦🙇🏻‍♀️🙇🏻‍♀️但大概我都知道佢係咩嚟嘅 首先要介紹嘅就係呢一個入口即溶宇治抹茶蛋糕，呢個名我記得呀夠深刻，但其實即溶嘅係側邊嘅cream，但蛋糕都好軟熟同埋都好重抹茶味，like👍🏻 之後嗌咗個鮟鱇魚肝壽司，我見佢幾特別所以就叫嚟試吓，佢個質感有啲似蛋黃，比我預期中冇咁腥，食落去個質感幾特別，但佢完全冇平時食開鴨肝或者鵝肝嘅嗰啲味道同質感，不過都唔錯嘅😆😆 最後叫咗個🐟真鱸壽司，佢個色偏白，口感食落去同油甘魚差唔多，但佢反而唔係好重魚嘅味，質感唔錯👍🏻大家快啲去試啦😆😆