香港天后｜BAKA BURGER

位置：附近有巴士，門外街偏幽靜 價錢：以相同菜式比較，算係便宜一點 服務：店員好nice，熱情有禮貌 氣氛：舒適安樂 $76就有大大碟(圖中套餐)，我叫嘅係Baka漢堡，有大塊手打牛肉同埋一堆生菜蕃茄，再加上佢哋嘅醬汁，超好食。 薯條新鮮即整， 暖烘烘又有好香嘅調味粉。雪碧又係玻璃樽，有feel又好食。店面較細，少座位，不過咁仲舒服。 而且會有speaker用啱啱嘅音量播啲Local廣東話歌，新舊皆備，舊至陳奕迅麥浚龍，新至Edan等，加上燈光柔和，成個vibe好正。 店員亦都好熱情又有禮貌，有機會再幫襯！

漢堡即叫即做，口感軟滑仍帶有咬口，牛味濃郁。慢工出細貨，要多多支持小店！

別緻的小店，食物美味，價格合理。我們order 了招牌Baka漢堡跟牛油果（酪梨）炸雞堡，兩個餐都非常美味。跟餐的洋蔥圈和湯也是大推。店裡還有串燒可以order，試了雞軟骨與牛舌，兩者都有水準，火候適中，調味也相當用心。