香港銅鑼灣｜Wing Nin Noodle (Causeway Bay)

好掛住永年嘅秘製咖哩醬啊，撈粗食一流 仲發覺原來有得打邊爐添🫢 叫咗個三餸蒜油撈粗，再加餸可加返差額 揀咗午餐肉、芝士丸、魚皮餃、豬腸 一定要叫咖哩辣醬，同粗麵係perfect match!!! 咖喱辣味同蒜香味好惹味🤪 芝士丸咬開流心，勁多芝士餡，仲可以有拉絲效果 豬腸洗得好乾淨，口感爽口 另外朋友叫咗自選三餸車仔麵 必叫陳皮魚蛋、雞翼、腸仔，加咗流心蛋 陳皮魚蛋爽口彈牙，果然係推介之一 雞翼大大隻，滷水汁醃得好入味 牛腩汁湯底令米粉吸哂湯汁味，正～ 班蘭咖央多士激厚醬，味道甜甜地，外脆內軟☺️ 滷水雞翼好大隻，色澤靚之餘好入味！ 要叫抹茶紅豆冰試下 抹茶甜度剛好，配大量紅豆 好似一杯飲到嘅甜品

三餸蒜油撈粗🤓 分別揀咗午餐肉、魚皮餃、豬腸同肥牛 豬腸洗得好乾淨，又爽口，滷水汁入哂味好食😋 其他餸正常水準，唔錯~ 少辣秘製咖哩醬好惹味，拌勻粗麵好香好好味 自選三餸車仔麵有陳皮魚蛋、墨魚蝦卷、流心蛋 一定要試下流心蛋，半熟蛋黃，口感一流！陳皮魚蛋爽口彈牙，我至愛 腩汁湯鹹味適中，米粉都好掛湯，好滋味~ 滷水雞翼 大大隻雞翼，滷水汁醃到好入味 班蘭咖央多士烘咖央多士外脆內軟，班蘭咖央味道甜甜地 推介抹茶紅豆冰，比起傳統紅豆冰，多咗一份抹茶味 香甜紅豆配抹茶，絕對係完美配搭！ 樽仔奶茶茶底香濃，茶同奶嘅比例剛剛好👍🏻

幾年前偶爾食咗永年士多嘅車仔麵，之後就成為咗佢嘅熟客仔 上個禮拜晚又帶埋屋企人去食晚餐，雖然係繁忙時段，但係仍然搵到位 用$200都唔使就嗌到以下呢啲嘢，真係好抵 自選三餸車仔麵 | HKD$45/HKD$40 (學生價) 湯底揀咗腩汁，配料揀咗魷魚(補$2/加$11), 紅腸，滷水雞翼，蜂巢豆腐，全部都係我每次既必食。 豆腐朔晒啲湯汁，雞翼亦都煮得夠腍+好入味👍🏻👍🏻 麪底我揀咗油面，雖然比較高卡路里，但係煮得好彈牙忍唔住嗌咗🥹 大碗麵 | HKD$72 大碗麵，顧名思義有好多料，足足有成10款，多到食唔晒 eg豬腸、陳皮魚蛋、蘿蔔、豬紅、豬皮、雞翼尖、雞翼魷魚、紅腸 + 菜 咁多款食物，梗有一款啱你口味😙 面底揀咗米粉，而湯汁都係腩汁，不過嗌咗小辣加咗啲辣醬 （我之前嗌咗中辣，但係辣到食唔到，要小心選擇😅) 加配食物：炸魚皮&通菜 | HKD$13 & HKD$25 兩樣價錢唔算好貴，可以試吓 炸魚皮第一次試😋通菜擺盤好靚，有鑊氣，腐乳則較濃 飲品：凍檸茶&凍柚子檸檬茶 | 跟餐HKD$0 & HKD$15 一樣好有心思擺盤，柚子檸茶非常夾，有驚喜🤩🤩