香港鵝頸｜Van Gogh Kitchen

🐝凡高廚房 - 銅鑼灣 今次簡左一間充滿濃厚藝術氣息既餐廳，餐廳好近地鐵站，地點非常方便。由門口至室內的裝修都係充滿不同名作特色，餐廳名是「凡高廚房」所以周圍都係以凡高為主題，無論係佈置、餐桌墊等都是凡高的名作，非常有趣。環境仲好chill舒服。今叫左兩個午餐 🍯炭燒美國安格斯西冷牛扒（5成)-$208 牛扒好香厚肉勁重牛味，有陣陣的炭燒味，而且size幾大塊，另外薯蓉都幾香滑。 🍯香煎格陵蘭比目魚配牛油薯蓉&自家制 -$168 比目魚都幾大舊，而且煎得很香脆，味道都很不錯，值得一試。 另外加了10$ 同時食到頭盤及餐湯，餐湯分別有蔬菜湯及磨菇湯。磨菇湯真係值得一讚，勁香濃菇味，真係新鮮菇打出黎，勁好飲！ 甜品係tiramisu及奶凍，做得幾精緻，味道唔會很甜。最後，叫左兩杯餐飲，不得不讚熱飲的杯，真係非常靚。 整體黎講，佢所有野無論食物或環境都好高質，好對得住價錢。

之前都有聽過凡高廚房，上網睇過下好似食裝修都唔錯，今晚同個fd子去食個晚餐先。 入到黎佈置係幾靚架！ 好坐低睇下有咩好食先。 俄羅斯菜湯，好多雜菜，飲落微酸，個餐包要講下，焗得好香，食落軟綿綿。 叫晚餐除左湯和餐包，仲有呢個餐前小食，係爽口肉嫩既海蝦，配有新鮮蔬菜。 香煎勺草格寧蘭比目魚，魚件成個表面都煎到一層脆脆的，裡面魚肉好滑，配埋白豆牛油檸檬忌廉汁，味道再提升多一個層次。 配菜個炸薯都好好味。 火焰美國Prime護心肉牛柳串，個牛柳係serve之前再燒下加熱，除左令客人食到暖笠笠既肉，仲有視覺享受。 牛柳肉味重又軟腍，配埋牛肉燒汁，係bbq既味道，仲要有好多件，食到飽飽。 叫左英式餐茶，隻杯好有classic風。 最後仲有小卷蛋糕做甜品，今餐呢度又食得又睇得。

記得呢間餐廳細個同屋企人嚟食過，決定今晚帶我老公嚟試吓。 餐廳裝修都無大改變，全部都掛上凡高嘅畫作，連細個曾經喺到彈生日歌比我媽咪聽部鋼琴仲喺到。 環境依舊舒服令人放鬆，感受到餐廳對裝修嘅執著，令個角落都充滿藝術氣息。 我哋點咗兩份dinner set，一份比目魚，一份燒牛柳。 Appetizer係一份sour onions and tomatoes，味道酸酸開胃一流！餐湯係羅宋湯，不過味道稍嫌過淡。仲有一籃香脆嘅法式麵包。 比目魚煎到外表金黃香脆，魚肉有質感，唔會鬆散，蘸埋秘很嘅sour cream sauce味道更加有層次。仲有baby asparagus同埋deep fried potatoes🥔 燒牛柳好特別，上菜時會淋上著火嘅白酒，吸睛指數極高啊！有兩大串牛柳夾雜住ball pepper🫑 牛柳肉味濃郁仲有微微嘅白酒香味，配埋爽甜嘅甜椒就唔會咁膩👍🏽 最後仲有一道甜品，係迷你士多啤梨蛋卷，同樣出色，蛋糕濕潤可口，可以話將今晚晚餐係畫上完美句號👍🏽