香港北角｜Orange Elephant (和富薈店)

第一次食橙象仲好記得係漂頭染髮整頭整咗好多粒鐘 叫咗佢個金邊粉個日覺得都幾好食 然後發現佢分店原來時時都有$1菜 星期一至日都有一款唔同既優惠菜 酸辣去骨鳳爪沙律 原本70幾蚊今日星期三只係一蚊 夏日炎炎食真係好爽 醬汁酸甜辣辣地 鳳爪夠彈夠爽口 正 同朋友食泰菜兩個好適合叫佢既泰式拼盤 有四款八件小食 有蝦餅 春卷 魚餅同香葉包飯 各兩件 件件都熱辣辣 即炸好香口 點埋泰式辣醬 甜甜地好味道 小食就算攤凉咗都keep到唔會話凍咗就好難食咁 真心推介 另外叫咗兩個椰青 都好大隻 不過好快就飲哂裡面既椰青水 叫小食食炸嘢多嚟到建議飲佢既沙冰特飲 更加透心涼 朋友當晚話想食咖喱海鮮脆包 呢個真係要趁熱食 個包要盡快食 如果唔係就預咗入口會相對淋 不過個包沾滿咖喱都幾惹味 裡面亦有唔少海鮮 都okay 北角分店既座位坐得特別舒服 好適合同朋友無見好耐嚟

有冇人都好鍾意食芒果？？😋😋 今次同朋友黎到呢間位於北角既Mango Mania～～ 佢係一間泰國芒果主題甜品店，可以食唔同既芒果甜品同飲品～～啱哂芒果控😍😍 - 🥭Mango Bingsu $70✨ 我好鍾意食韓國既雪花冰，估唔到呢度有芒果雪花冰，即刻叫左黎食😋😋 望落都好足料，最上面有個芒果雪糕，下層係雪花冰，份量都好多～～ d冰出面鋪滿大大粒芒果，全部都好新鮮，好香甜🤤🤤 雪花冰口感綿密，同芒果一齊食好夾！！嫌唔夠味的話仲可以落花奶/芒果汁～～ 另外仲有糯米飯可以食，好豐富👍🏻👍🏻 - 🥪Mango Honey Toast $58✨ 呢個吐司望落都好吸引😍😍 食落好香脆，好香牛油味～～中間仲有糯米飯，口感煙韌😋😋 面頭有個椰子味雪糕，旁邊就有半個芒果，好正❤️❤️ 芒果好鮮甜好好味，食完好滿足！！ - 我地仲叫左2杯野飲，分別係芒果忌廉果昔($29)、芒果桃子菠蘿汁($25)～～ 2杯都芒果味好濃❣️❣️ 果昔既話會比較甜，同好香奶味～～ 芒果桃子菠蘿汁既話都係芒果味比較重🤣🤣 - 鍾意食芒果既大家一定要黎試試🙆🏻‍♀️🙆🏻‍♀️

/ 知名既泰菜都好多間🥰依間都好出名，好彩甘岩有朋友係附近住搵完佢之後去食岩岩好😋餐廳比較偏，要街坊先留意到😅但佢好多分店😊唔怕為意唔到佢🤣餐廳好大，可以一次過招呼好多客人，啲侍應好多都泰國人黎講晒泰文🙈完全好似去左泰國甘🇹🇭 . 🥢咖喱海鮮脆包盅 $148 個包吸晒所有既咖喱汁🤣正呀，完全係肥肥既美食😍基本既海鮮🦞都有既，青口，魷魚🦑果啲一定唔少得🤣啲咖喱汁多到想叫碗飯🍛撈埋一齊食😂依個唔係好食得辣既人都食到😌 . 🥢椰青焗海鮮飯 $108 黎到真係嘩左一聲🙈好似坐山⛰️甘高😂好香椰香味😌除左海鮮🦞之外，仲拎埋啲椰子🥥肉一齊黎焗，不過有少少🤏dry,拎埋岩岩啲咖喱汁撈埋飯食😂就岩岩好 . 🥢泰式香茅豬扒 $1 你冇睇錯！果日星期二黎，甘岩加一蚊就可以有香茅豬扒食🤣佢星一到星五加一蚊都有唔同既野食食😋真係好抵😚唔好以為1蚊啲質素好差,豬扒都有我成個手甘大😍仲要岩岩炸岩🤩1蚊冇得輸❗️ . 🧃特選椰青 $42 唔飲佢點得呀😋清、甜，依兩個字完全表達晒🥰