香港天后｜City of Darkness

《懷舊大排檔風格嘅高質打邊爐店😍》 裝修非常復古，好有以前九龍城寨既感覺，充滿舊香港文化氣息同埋情懷，座位同枱方面好有大排檔既感覺，而且有個竹筲箕俾人放袋。餐廳氣氛好熱鬧，好適合同朋友去聚舊。🥳 1. 眾人皆醉醉雞湯 （$148） 侍應一開始建議打邊爐之前先飲咗個湯底先，湯底有濃厚既雞味，加上有少少藥材味，飲落好清甜，有淡淡嘅酒香。眾人皆醉醉雞湯會有半份雞另外上，雞肉食落冇雪味。🤪 🌟評分: 8/10 2. 雙拼手打芝士蝦丸/芝士墨魚丸 （$108） 單拼價錢係$98，芝士蝦丸好似食緊蝦餃咁，一咬落去好滿足，每一啖都係爽口彈牙嘅蝦肉，入面嘅芝士都好多，整體都好食。芝士墨魚丸口感比較淋，入面有好多墨魚粒，兩種丸都係非常足料。😚 🌟評分: 8/10 3. 黑豚五花腩 （$148） 五花腩食落好香豬油香，而且唔會好油，肉質鮮嫩多汁，豬油位好爽。😝 🌟評分: 8/10 4. 牛魔王拼盤 （$468） 拼盤有六款牛肉分別係極級手切肥牛，頂級安格斯牛肩脊，手切封門柳，牛柳粒，牛胸尖同埋牛脷托。牛肉全部都食落好新鮮，牛柳粒食落好淋，手切肥牛好彈牙，安格斯牛肩脊好鮮嫩多汁，牛胸尖爽口非常之香。🥰 評分🌟：8.5/10 🎖️整體評分🎖️ ❤️味道：8/10 🧡服務：7.5/10 💛環境：7/10 💙性價比：8/10 ✨叄不館 City Of Darkness (天后） 📍天后電氣道68號金輪天地7樓 #hkoverfood_天后

叁不館💛懷舊火鍋 餐廳走懷舊風情，有好多玩味霓虹燈同招牌，啲名都好搞笑~ 一嚟就有十款醬汁可以瘋狂混醬，必加蔥頭油，勁香! 湯底都多選擇，我哋要咗今晚卜卜蜆鍋。鍋底有好多蜆肉，細細粒但夠鮮甜💛 店員貼心提醒要食咗先以免老曬 海鮮新鮮，牛肉味濃樣又靚 ~ 而且份量都好足🫶🏻 （貪心嘅小朋友們又食到要打包😂😂😂） 佢哋嘅招牌手打丸同埋餃可以揀雙拼，啱曬心大心細嘅朋友仔🤗 我哋揀咗牛肉同蝦丸、丸子嘅口感爽口彈牙，同埋都好鍾意個招牌午餐肉餃，食落鹹鮮十足好得意 響鈴新鮮鬆化，浸湯索曬汁好食但勁扣血呀🤭 但佢哋個蝦膠油炸鬼有啲難 handle , 成日一落就反肚啲蟹子同紫菜飄走曬😂 整體食得開心又滿足~

🐽 莫生氣椰椰子雞煲 啲湯好濃郁，雞肉鮮嫩，椰香同雞香好啱口。啲湯底用咗椰子水，真係一試難忘 🐽 滑牛肉 肉質好鮮美，肉質鬆軟，一入口唔會柴。啲肉片切得幼薄，唔中意食肥牛太肥可以試下 🐽 自製炸魚皮 魚皮脆得嚟又唔會油膩，啲魚皮炸至金黃，好適合配酒 🐽 炸牛餐肉 都好特別，啲牛餐肉炸至啖啖脆口，放完落去邊爐到令到吸曬d湯汁，再配埋啲附上嘅蘸醬，真係好正🥸 🐽 手打鮮蝦丸、芝士牛丸 蝦肉彈牙，一啖入口，滿口都係鮮甜嘅蝦味。芝士牛丸呢個更加唔使講啦，啲牛丸好有牛味得黎充滿芝士香，啖啖都有爆漿嘅感覺，好過癮！ 🐽 娃娃菜 簡單得嚟又新鮮，煮得啱啱好，又脆又嫩