香港銅鑼灣｜Tai Ping Koon Restaurant

粗眉媽牛一，加上又係星期五晚，自然又要食返餐勁嘅，決定幫襯好耐冇去過嘅銅鑼灣太平館。 因為時間算係早，所以唔係太多人，唔使等位就入到去，因為知道佢哋嘅份量大，所以唔敢叫太多，淨係叫咗一個瑞士雞翼餐加一碟瑞士汁炒牛河再加一隻乳鴿。 跟餐有一個海皇湯，亦都係太平館嘅名菜之一，龍蝦味非常香濃，入邊仲有大量蝦仁同埋蟹肉，兩個人飲一碗都覺得飽。 太平館嘅乾炒牛河都好出名，不過因為上次喺鳳城已經食過，所以今次決定叫瑞士汁炒牛河，牛肉靚，河粉夠滑，唯一稍嫌不足嘅係個瑞士汁太甜，如果落少啲會更加好。 紅酒焗豬扒飯睇落好簡單，但個炒飯底粒粒乾身，豬扒又厚又大塊，同大X樂簡直係完全兩個境界，最值得一讚嘅係佢哋嗰個紅酒汁，酒味香濃，越食越滋味。 講到太平館嘅名菜，又點點少得佢哋嘅瑞士雞翼，雞翼大大隻，非常入味，又嫩又滑，果然名不虛傳，不過可能粗眉仔唔鍾意食甜野，所以都係覺得個瑞士汁太甜。 不過今餐粗眉仔最鍾意嘅，係太平館嘅秘製乳鴿，乳鴿好大隻，差唔多有平時食開嘅兩倍咁大，肉質鮮嫩充滿肉汁，味道濃郁到不得了，即刻覺得平時食開嘅乳鴿淡而無味。 更加令粗眉仔驚喜嘅係，乳鴿隔離有一小杯「神秘物體」，估吓係乜？竟然係一副整得乾乾淨淨嘅乳鴿內臟，有心肝腎，浸過瑞士汁之後更加惹味。 呀！差啲唔記得講，套餐嘅飯後甜品竟然係充滿童年回憶嘅羅拔臣啫喱，真係估佢唔到……

一間開業了八十年頭有多的餐館,上世紀1937年起源於廣州,四十年初代搬遷至香港.經歷和見證了無數的社會動蕩和戰亂,還能屹立延續至今.餐館提供食物的主要特點是鮮而不膩,口味平順,餐館廚師烹調的肉類都能令你吃出不同的口感和鮮味,證明採用了新鮮的材料來烹調餐點.

坐位舒適，食物美味，巨型的疏乎厘大得有點過份，但這個二人茶餐足以飽肚，好味！