香港大角咀｜Ristorante Pizzeria Da Vincenzo

絕對推介！ 與朋友夜晚來食，預先book枱不用等，但見不斷有食客想walk in都要等，要一嚐美味意國菜建議首先book位。

｛歡迎follow 食評IG: bigbellyhk｝ 大角咀係一個隱世美食天堂, 之前係友人介紹下黎過呢間Da Vincenzo, 得知🇮🇹 在港廚師主理, 事隔兩年再訪, 今次可以分享比各位🆕 同大角咀匯豐🏦中心一街之隔, Da Vincenzo (有無人話我知個字點解🤔)係平凡🧱下藏住小店, 餐廳內小小空間有廿零個位置, 雖然有少少緊迫👥 但高樓底放大空間感, 略暗既照明🕯️ (對唔住今日無好好影相📸), 映照住高架上一瓶瓶既美酒🍾 (唔駛CHECK IP都應該係意大利酒), 係角落頭更有意國旗同羅馬王子托迪既球衣⚽ MENU 都好多樣化, 英文唔掂唔駛驚🙆‍♀️ 佢係有中文餐牌, 留意番PIZZA係可以MIX埋一齊架🔀 未點菜先有麵包比你, 結實既香草麵包加埋油醋填充到胃部, 但呢個唔係一個好Idea🙅‍♂️ 焗之士千層茄子火熱登場🌡️上枱時個盤邊仲冒緊泡♨️其實呢個係簡單一味肉醬卜粉, 但用茄子入替意粉哥🍝用刀破開焯焦既表面, 芝士包實一片片既茄子🍆而肉醬就係中間游走🐖每啖都充滿住濃濃芝士香同肉醬, 反而茄子就只有淡淡的存在🌫️ 跟住PIZZA登場🍕好彩有經驗知佢勁大份, 差唔多一張半A4紙🈵 雖則係薄批啫, 但真係霸晒成枱面, 差啲要借埋隔離枱位置😹揀咗香菌薄餅🍄 + 香腸軟士薄餅🧀其實薄餅真係好霸道既嘢, 明明啲菇係咁清純潔淨,🥺硬係要用士推到佢出味; 而另一邊既Mozzarella cheese, 半溶好似雪糕咁係餅面🤯 加埋腸仔肉香, 超邪惡咁招手👻係好衣食下, 我連PIZZA邊都食埋 (男友食物列表), 但發現原來隔離左右好多飛邊☠️ 有少少失敗既係, 個磨菇湯應該係漏咗單🈳 變左上晒主食先黎😩本身磨菇湯淡香係頭好合適, 但放係尾後就失色😖 開車唔飲酒下, 我亦揀左Cappuccino ☕(沒有陳豪), 啲泡泡打得好靚, 其實泡沬呢家嘢, 做金都慣架喇, 不過呢杯泡真係幾治癒🤩 其實佢啲份量真係超大⚠️我唔明隔離兩個人枱點食到Mussels + 沙律 + PIZZA…係將部份餅餅打包下🚙加多個Tiramisu, 用匙羮吉穿面個浸Creamy, 直達底部滲左酒既餅身, 撈上黎連Cream一齊食, 呢個係我話你知最正斗既吔法😛 埋單兩人💲433，橫街小巷, 意式風情🇮🇹 要既唔係排場盛宴🙄想既只係有心美食😍MENU入面好多都係芝士嘢, 我建議各位黎時, 係芝士個配合上諗一諗去揀食物, 唔係會太滯🤨最後如果有埋一啲輕柔意式風情音樂就Superbo

好好食的餐廳 老闆是意大利人 好好人 食物份量很大份 午餐黎講平均一個set 加一都系120蚊左右 環境家庭式 好優閒的感覺 同朋友小聚一流 :)