香港油麻地｜Kam Shan Seafood Restaurant

在香港食海鮮，西貢、流浮山、香港仔、三聖很多不同地方也試過，但講到性價比高，物超所值，味道及廚房水準高的食海鮮地方，我首選金山海鮮酒家！ 這麽多年來每次來這裡食海鮮也不會令我失望，款式多，鑊氣夠，味道好～ 在這十多年間價錢隨通賬有所提升，但仍是性價比高的選擇。 今晚點了13道菜：6人份量 1. 豉椒炒蟶子(6條) ~ 每次坐低必點，蟶子鮮甜肉又爽，有食半刺身的質感，非常好食！ 2. 辣酒煮花螺(例牌) ~ 跟一般煮法不同，湯底是近似冬蔭功的味道，微辣又香，配粉絲秀珍菇等入湯，食到連湯都全喝掉! 3. 椒鹽瀨尿蝦 (12隻)~ 也是每次必點，炒得剛好肉爽味甜。價錢跟當天來貨大小有差異，這次的算大size, $88/隻. 4. 避風塘炒肉蟹(1隻) ~ 叫遲了只餘一隻，下次要再來吃！ 5. 蟹癮未止，加點2隻鹽焗奄仔蟹，淡黃色的蟹膏滿滿的，甘香好味！ 6. 果皮蒸鮑魚(6隻) ~ 果皮味剛剛好，鮑魚彈口好吃 7. 蒜蓉粉絲蒸元貝(6隻) ~ 元貝非常鮮甜，蒸的時間剛剛好，蒜蓉粉絲吸收了鮮甜的海鮮味，超讚！(原本想吃的是油鹽水浸花甲，但已售罄，又要下次再食~) 8. 豉椒炒蜆 ~ 食唔到花甲，叫了炒蜆止止咳。 9. 砵酒焗生蠔(例牌) ~ 剛巧今晚的蠔較細隻，如果用美國大桶蠔會更佳 10. 黃金墨魚餅 ~ 席間有小朋友扭計唔食野，一嗅到這碟炸香了的墨魚餅，冰山也融化了，食了兩大件😆 11. 滑蛋炒蝦仁 ~ 給小朋友配飯之選，蛋嫩蝦仁香口，白飯食清！ 12. 炸大腸 ~ 這間酒家的另一個賣點時小菜也非常出色，雲英雞、焗魚腸本來也想叫，但很早就售罄，下次要吃也先要留。雖然我不吃大腸，朋友點了吃也秒殺掉一碟！ 13. 蒜蓉炒豆苗 ~ 我們問待應今晚有咩菜，一口氣數了十多種菜，什麼選擇也有，選了冬天食最合時的豆苗，好吃！ ～ 13道菜，啤酒4支，汽水4罐，埋單價錢超開心，$3,688, 簡直完全滿足了我的海鮮慾！😋😋😋 更值得一讚是所有待應都非常親切服務好，不會像一般客人多的老牌酒樓。海鮮未上枱已準備好用具，濕紙巾，洗手水兜等。每食完一味海鮮即刻幫客人換碟清理蝦殼蟹殼等，這樣的店家實在太值得支持！👍👍👍 要提提大家，金山海鮮酒家一定要去吳松街老店！電話預先訂位較有保證，因有樓上座位，如有老幼同行可盡量訂坐時選地面留枱。

食物質數極高, 上菜快, 咕嚕肉超正, 肉質嫩加上酸甜味道調配適中, 中湯兩款, 白菜豬肺湯及蟲草花螺頭雞腳湯都是鮮甜潤喉, 海鮮新鮮, 豉汁炒蟶子及薑蔥焗桶蠔都夠鑊氣及鮮味十足, 墨魚餅香脆彈牙......仲有好多撚手小菜, 最後不得不提是每一位員工都親切友善, 招呼周到, 而且價錢實惠, 豐儉由人, 所以每星期我都必來一次, 好像回家吃飯一樣。

好好味嘅粵菜，服務好，價錢公道，地點方便