香港尖沙咀｜Nara Thai Cuisine (海港城店)

同朋友食飯見nara都有好多好評，食完都真係幾抵食而且環境好靚! 馬沙文牛肉咖哩+印度薄餅 牛肉炆得好淋而且冇筋，食落咖哩香料味好重但又唔會辣。咖哩醬係杰身少少所以加埋印度薄餅一齊食岩岩好平衡到，唔會搶左牛肉本身既味道又有煙韌口感! 泰式炒金邊粉 朋友唔食得辣特別備註走辣，但都估唔到炒得咁好食。少左辣味可以更加食到蝦肉同埋豆腐乾既味道，加埋金邊粉酸甜既醬汁，食落層次十足又夠鑊氣! 東北小食拼盤 呢個拼盤都好抵食，唔係平常會見到既炸蝦餅個D好普通既小食。個人比較鍾意佢既肉丸同埋腸仔，辣辣地而且新鮮整起，就算放左一陣仲係好熱，加埋佢既醬汁都好開胃。 泰式奶茶朱古力布朗尼 奶茶味濃但又唔會搶左布朗尼既朱古力味，食落互相平衡到又唔漏!

再次黎到海港城行街食野，本身打算搵間未食過既餐廳試試。但係最後都簡返之前食過既泰國餐廳。因為質素同水準都保持到😍最鍾意食蝦餅，今次仲試咗炒金邊粉勁好食！泰式奶茶都好好味！🤤

海港城性價比高泰國菜 今日去海港城shopping 行完一輪好肚餓，見到萬寧隔離有間泰國嘢，裝修幾靚，入去 try try 佢 一坐低會有一盤蝦片🦐 盛惠15蚊(可以叫店員收左佢如果唔食) 叫左幾樣野，都幾好食，價錢又唔貴 芒果🥭軟殼蟹米紙卷 因為大多數泰國嘢都係好油膩，所以要食啲米紙卷中和下，入面有蘿蔔絲、生菜、(我最憎的芫荽)、芒果等，on top 有軟殼蟹 泰式炒金邊粉 味道酸酸甜甜咁好開胃，唔想食飯嘅話食phad Thai就最啱啦🫶🏻 金邊粉唔會炒得好油，裡面有蝦🦐 、芽菜等，成個金邊粉係被格仔蛋🥚 網包住 泰式炒通菜 邪惡之選😂 叫咗走辣，剩低嘅就係蒜香味。雖然好香口但係略嫌有啲油 泰式椰子雞湯 都係叫咗走辣😂身 雞肉嘅份量慷慨，食極都仲有😂 個湯煲下面有個火爐仔keep住加熱，非常貼心。如果椰子味再重啲就更好